2608/2023-2024
Aizawl, 3rd November 2023: Election Commission of India chuan October ni 9, 2023 khan Press Note No. ECI/PN/57/2023 leh No. ECI/PN/58/2023 kaltlangin Chhattisgarh, Madhya Pradesh, Mizoram, Rajasthan, Telangana Legislative Assembly Inthlanpui leh Nagaland-a 43-Tapi (ST) Assembly Constituency bye-election neih hun tur chu a puang a.
2. Representation of the People Act, 1951 Section 126A Sub Section (1) in a sawi angin - Election Commission of India-in hun tiam a ruat chhungah print media emaw electronic media emaw eng hmang pawhin exit poll buatsaih leh exit poll result te thehdarh hi khap tlat a ni.
Sub Section (2): A hnuaia inthlan chi hrang hrang te tan hian Sub Section (1) hman hun (ni leh dar) tur chu Election Commission hian thuchhuah siamin a tichiang thin ang.
(a) Inthlanpui (General Election) ah chuan he hun hi vote thlak ni hmasa bera vote thlak tan hun darkar atangin a intan ang a, vote thlak tawpna ber State emaw Union Territory-a vote thlak tawp hnu darkar chanve thleng a huam ang.
(b) Bye-Election pakhatah emaw, a ruala Bye-Election neih anih chuan he hun hi vote thlak ni hmasa bera vote thlak tan hun darkar atangin a in tan ang a, vote thlak hun tawp hnu darkar chanve thleng a awh ang. A ruala bye-election neihah hian ni hrang hrang a vote thlak a nih chuan, he hun hi vote thlak ni hmasa bera vote thlak tan darkar atanga in tanin, vote thlak tawp ber ni a vote thlak tawp hnu darkar chanve thleng a huam ang.
Sub Section (3): He dan bawhchhia te chu kum hnih thleng lungin tan emaw lei chawi tir emaw a hrem theih an ni a. A pahniha hrem kawp theih an ni bawk.
3. Chuvangin, Election Commission of India chuan RP Act 1951 Section sub-section (1) nain thuneihna a pek hmang leh sub section (2) a dan awm angin - November ni 7 (Thawhlehni) zing dar 7:00am atanga November ni 30 tlai dar 6:30 (Ningani) chhung hian print media emaw electronic media emaw eng hmanrua hmang pawha a chunga sawi tak General Election/Bye-Election te kaihhnawih exit poll neih leh a result puanzar te a khap tlat a ni.
4. RP Act, 1951 Section 126(I)(b) in a sawi angin, a chunga tarlan General Election/Bye Election neihna state-ah te hian Vote thlak tawp hun atanga chhiar leta darkar 48 chhung chuan inthlan kaihhnawih opinion poll emaw mipui ngaihdan lakna lam chi reng reng electronic media hmanga puanzar khap tlat a ni bawk.
