4332/2023-2024

Lunglei; the 25th March,2024: Vawiin chawhma dar 11:00 khan District Election Officer leh District bawrhsap ni bawk Pi Ramdinliani chuan  kan hma lawka Lok Sabha Inthlanpuia Sector Officer atana ruat mi 36 te leh Polling Station atan ruat School building te chu Polling station  atana hman tlak ngei a nih theih nan heng Assured  Minimum Facilities (AMF) : Electric, Tui, Separated Toilet for Male & Female, approach Road, Ramps, etc. ten thuamthat an nih theih nana mawhphurhna chanvo changtu Nodal Officer-te meeting a neihpui.

Vawiin meeting-ah hian Sector Officer ten an bial theuh va Polling Station dinhmun te leh AMF a awm em? tih te Inspection an neihna report an pe theuh va, chung an report  atang chuan Road communication  Planning leh Road Map te duan fel nghal a ni a. Polling station dinhmun te chiang taka hriat a ni hnuah AFM chungchanga hmalak ngaih belhna laiah, hmalak dan tur pawh rel nghal a ni.

Pu H. Zonunmawia, SDO(C), Tlabung leh Nodal officer for Road Communication Nodal Officer ni bawk chuan Power Point Presentation  hmangin Polling party ten Despatch centre atanga Polling Station an panna  tur kawng  hnai ber Road Map bakah,  Sector Officer ten an bial  chhunga awlsam leh hneh leh zuala Law &order an kenkawh theihna tur leh Poll Day-a an sector hnuaia  EVM chhia a lo awm palh pawha rang taka Polling station te an vil zung zung theih nan an  kawng zawh tur Road Map a duan te chu a entir a, siamrem hret ngai  a awm em? tih te ngun taka thlir ho a siam that a ni.

 Nikum MLA inthlanpuiah khan Lunglei District chu Sector 28 a then a ni a, Sector pakhat hi Sector Officer pakhat leh Sector Police Officer pakhat zelin an vil a. Kumin Lok Sabha Inthlanpuiah erawh chuan Sector officer ten hneh leh zuala Law & Order an kenkawh bakah Poll Day-a EVM chhe palh a lo awm thula Polling Station te an vil zung zung theih nan Sector 28 chu Sector 36 a thensawm leh a ni a, hei hian Polling station tin chu Sector Officer te tan rang taka thlen zung zung a tih awlsam dawn a ni.