4333/2023-2024
Aizawl, 25.3.2024: DEO, Aizawl District chuan a hnuai ami ang hian election duty te tan Election Duty Certificate (EDC) chungchanga hriat tur pawimawh a chhuah:
General Election to Lok Sabha, 2024 ah election duty neih vanga mahni polling station a vote thlak thei lo tur te chuan Form 12A hmangin Election Duty Certificate dil tur a ni a. He form (12A) hi Election Branch, DC Office, Aizawl atanga lak theih a ni a, April ni 5, 2024 hma in EDC dilna hi Nazarat Branch, DC's Office, Aizawl ah submit tur a ni. EDC dilna ah hian Election Duty Appointment letter leh Voter ID Xerox Copy thil tel tur a ni.
Driver/ Conductor te chuan election duty appointment letter hranpa an neih loh chuan an vehicle requisition order thil tel mai tur a ni ang. Election Duty Certificate kengin Poll Day i.e. 19.4.2024 ah mahni vote neihna nilo Polling Station dangah vote thlak tur a ni a, EVM ah vote thlak tur a ni. EDC dil hnua election duty hi thulh leh a nih pawhin mahni vote neihna Polling Station ah vote a thlak theih tawh dawn lo a ni tih kan inhriattir e.
