392/2022-2023
Siaha; the 4th May,2022: Tukin zing dar 6:00Am atang khan DC office kawt atangin Siaha Town pawn lam a duty tur polling official leh security personnel te kalchhuak tur DEO&RO Pu Lalsangliana'n a vailiam. Vawiinah hian Polling Station 69 a duty tur polling official ten an duty-na hmun tur theuh an thleng kim ang.

Niminah khan Siaha town atanga hla zual Polling station 12 a duty tur polling official leh security personnel te chu DC kawt atang bawkin DEO hian a lo vailiam tawh a ni.

12th MADC Election vote thlak ni hi naktuk tahrik ni 05/05/2022 khi a ni a, zing lam dar 7:00Am tanga tlai lam dar 5:00Pm inkarah vote thlak tur a ni. Tun tum Election-ah hian MDC Constituency- 25 leh Polling Station -81 awmin, Candidate-85 leh voter 42,326 an awm bawk.