393/2022-2023
Aizawl the 4th May, 2022 : Ni 5, May, 2022 leh ni 6, May, 2022 hian Hon’ble President of India Pu Ram Nath Kovind chuan Mizoram a rawn tlawh dawn a. Chuvangin venhimna tha taka kalpui anih theihna turin Aizawl DC, Dr Lalhriatzuali Ralte chuan thupek a hnuai ami ang hian a chhuah -

1. Aizawl District huamchhunga Municipal Area huam chin bakah Lengpui Airport leh a chhehvel khuaah Ni 5.5.2022 (Thursday) leh Ni 6.5.2022 (Friday) hian Remote Control hmang Drone/Aerial Camera leh hetiang lam chi reng reng hman/thlawh tir khap tlat a ni. He thupek bawhchhia an awm anih chuan an Drone/Aerial Camera te man/kahthlak sak ani ang a, an chungah dan angin hremna lek a ni ang. He thupek hian Police, Sipai leh District Magistrate in phalna a pekte a huam lo ang.

2. Ni 5.5.2022 leh ni 6.5.2022 hian District Magistrate hriatpuina tel lo chuan Thuampui Helipad to Raj Bhavan inkarah, Raj Bhavan to Mizoram University leh Lengpui Airport atanga Kilometre 1 bial chhungah mipui punkhawm khap tlat a ni.

3. Ni 5.5.2022 dar 2:00 PM to dar 6:00 PM inkar hian MZU Main Gate bul hnaiah dawr bazar in hawn phal a ni lo.

4. Ni 5.5.2022 leh ni 6.5.2022 a Hon’ble President of India chet velna kawngpuiah te lirthei leh bungrua engmah dah phal a ni lo.

He thupek zawmlo te chu Section 188 IPC hmangin hrem an ni ang.