Vawiin khan Department Of Environment, Forests & Climate Change changtu Minister Pu T.J. Lalnuntluanga chuan Pachhunga University college-ah Department of Environmental Science leh EF&CC Department tangkawp buatsaih National Conference on Emerging Trends in Environmental Research, 2019 a hmanpui.

Pu T.J. Lalnuntluanga chuan chief minister zahawm tak Pu Zoramthanga kawihhruaina hnuaiah  mizoram  ramngaw siam thata humhalhna turin sawrkar in hma hrang hrang a la tih a sawi a, Eco-tourism tih hmasawnna turin Eco-cultural park leh Eco-tourist park siam tum a nih thu te, hmun remchangah te Green park siam tura ruahman a nih tur thu te a sawi bawk a ni.

He Conference-ah hian khawvel a ramngaw chhiat zel dan leh chhan nana hmalak dan tur te zir ho a ni a, Ramngaw tih chereu anih avanga sik leh sa inthlak danglam ta nasa lutuk te zirchianna hun neih a ni bawk.