Vawiin khan Mizoram Youth Commission (MYC) hmalakna zinga pawimawh tak mizo thalaite Civil Services (IAS etc) coaching 2020 kalpui zel dan tur leh kan thalaite zingah All India Service leh Central Service a inziak tling an tam theihna tura Mizoram sawrkarin MYC kaltlanga hma a lak dan tur Deputy Chief Minister Pu Tawnluia hova sawiho ani.

He sawihona ah hian MYC Chairman Pu Vanlaltanpuia, Chief Secretary Pu Lalnunmawia Chuaungo , Finance Commissioner Pu Vanlalchhuanga, Planning Secretary Dr. C. Vanlalramsanga bakah MYC member, MYC official leh policy lama mithiam leh rawn tlak tak tak te an tel a. Meeting chuan hetiang lama tui leh tumte tana lehkhabu tha chhiar tur chhawpchhuahte, thalaite zinga mi thiam bik te pual test buatsaih in chuta tang a thlanchhuah te chu Crash Course coaching nei tura Coaching Centre tha a lut tura sponsor nise tih a ni. Hei bakah hian Prelimimary examination a inziak tling te chu Main examination inbuatsaih tura sponsor chhunzawm zel ni se tih te an rel a ni.