181/2023-2024

Dated Aizawl the 21st April 2023 : He hawnna puala a inkhawmtawi buatsaih ah hian Deputy Chief Minister, Pu Tawnluia chuan thu sawiin Government Multi Utility Centre chu mipui vantlang tan sawrkar in a siam a, veng chhung mipuite chu a chhawr tangkai ber tur annih ang in a sak hun chhung zawnga vengchhung atang tawiawmna tha tak an dawng chu a lawmawm a tih thu a sawi. He Multi Utility Centre hi UD&PA Department hmalakna hrang hrang Smart City, sipmiu te leh projects pawimawh tak tak zing a Aizawl khawpui in a a chhawr tangkai tur hnathawh pawimawh tak a ni, a ti.

Deputy Chief Minister chuan mipuite tan a hna kan thawh hian a sum senso lam ringawt ngaihtuah lo in hna tha, tlo leh rintlak tur kan ngaihtuah a pawimawh a ni, a ti. UD&PA hnathawh na hrang hrang ah mipui te chuan tawiawm leh finchhuah zel turin a ngen bawk.

Khualzahawm Pu C Lalmuanpuia, MLA pawh in thu sawiin UD&PA chu Department pawimawh tak a ni, a ti a, Aizawl khawpui leh a chhehvel ah hnuhma tamtak an hnutchiah a ni, a ti a. Multi Facility Centre chu Covid vanga duh anga hna a kal chak theilo chung pawh a vawiina hawn a ni thei chu lawmawm a tih thu a sawi.

He Government Multi Utility Centre hi a implementing Department chu UD&PA niin Cheng Nuaih 884.73 seng a sak a ni. Building hi State fund atanga sak a ni a, ni 12.5.2019 a sa tan in ni 30.01.2023 a zawh fel a ni. He Multi Facility Centre ah hian Parking, Office, weekend market leh Auditorium te awm thei tur a buatsaih a ni.

Minister hi khualzahawm Pu C Lalmuanpuia, MLA leh UD&PA Secretary Pu Lalmalsawma Pachuau ten an tawiawm a, UD&PA officers leh staff, Thakthing Veng Local council members, YMA, MUP, MHIP, kohhran aiawh te leh sawm bik mi pawimawh ten an telpui bawk.

UD&PA Director Pu H Lianzela'n lawmthu sawina neiin Government Multi Utility Centre hawnna inkhawm hi a khar.