182/2023-2024

Lunglei the 21th, April'2023: Vawiin tlai khan Pu Lalchamliana, Minister, Home, Disaster Management & Rehabilitation leh Taxation changtu nibawk chuan Lunglei Fire Station (Saikuti Hall) a mi chu a tlawh.

Pu Lalchamliana chuan Lunglei Fire Station a thawktu te hma ah thusawiin  Lunglei Fire Station in  ni 24th-26th April 2021 chhunga  Lunglei chhehvel  ramkang  vak thelhmih kawng a theitawp an chhuah avanga India ram pum huap a hnathawh that  chawimawina Subash Chandra Bose Aapda Prabandhan Puraskar 2023 an dawn chu a lawmpuiin a chhuan thu a sawi a, Mizoram sorkar aiawh in lawmthu a sawi bawk. Mei hi a tangkai a, a lehlam ah chuan chhiatna rapthlak tak thlen tu a nih thu sawiin kangmei ven kawngah thawhona thatak nen theitawp chhuah theuh turin thawktu te a chah a ni. 15th Finance Commission in India ram puma Fire Station tih changtlunna tura sum cheng vaibelchhe 1500 ruahman atangin Lunglei District  tan cheng vaibelchhe a 5 beisei thu a sawi a, hemi hmang hian Lunglei Fire Station leh Quater  sak a nih tur thu a sawi bawk. Home Minister hian Lunglei Fire Station in India ram pum huap kangmei ven kawnga hna thawh that  chawimawina dawn lawmpuinan pawisa fai engemawzat a pe a ni.

Pu Lalchamliana hi Pu John Neihlaia, IGP (Hqrs), Pu H. Ramthlengliana, DIG (Southern Range), Pu Rahul Alwal, SP, Lunglei ten an tawiawm a ni.