183/2023-2024

Ṭau thla ni 21, 2023: May ni 9, 2023-a Chakma Autonomous District Council (LADC)-a Member of District Council (MDC) Inthlanpui lo awm tura inthlan felfai tak a awm theih nana bial (sector) ṭhen hrang hrang vil tura ruat, sector officer-te chu vawiin khan Lawngtlai DC Conference Hall-ah Lawngtlai District Election Officer (DEO) Pu David Lalthantluanga hovin briefing neihpui an ni.

He hunah hian election official aṭangin ERO Pu Abraham Beirazi Khithie, AERO Pu N. Lalzarzova leh AERO Pu H. Vanlalbiakzauva te'n sector officer tura ruatte chu an hriat tur pawimawh hrang hrang hrilhfiahin, zawhna leh chhanna leh sawi hona hun hman nghal a ni bawk.

CADC-a MDC Constituency 20 awm chu sector 12-ah siam niin, hemi vil tur hi sector officer pakhat ṭheuh ruat an nih bakah, a ṭul huna koh theih tur reserved sector officer pahnih ruat an ni bawk.