184/2023-2024

Lunglei the 21th, April' 2023: Vawiin tlai khan DCs Conference Hall, Lungleiah Civil Service Day 2023 lawmna hun hman a ni. Pu Lalchamliana, Minister, Home, Taxation leh DisasterManagement & Rehabilitation changtu ni bawk chuan chuan khuallian niin a hmanpui. He hunah hian Lunglei a Department hrang hrang Officer te an tel a ni.

Civil Service Day 2023 lawmna inkhawm hi Lunglei Bawrhsap Pi Ramdinliani, IAS chuan kaihhruaiin khuallian Pu Lalchamliana chuan Lungleia Civil Service Day 2023 lawmna a khuallian tura an sawm anih avangin lawmthu a sawi a. Civil Service Day hi India ram in zalenna a neih hnua Home Minister hmasaber Sardar Vallabhbhai Patel an Administrative Service Officer te puala Melcalfe House, Delhi a kum 1947 April ni 21 a a thusawi pualin mipuite rawngbawl tura inhlan thar lehna atan he ni hi hman thin a ni a ti. Mipui rawngbawl hna thawh kawngah  Department hrang hrangte hnathawh dan a inang vek lo maithei   mahni hna theuh ah tan la a, kan hlawh phu hian kan thawk em tih erawh ngaihtuah a ngaih a ni tiin tunlai technology mil a in update a ngaih thu a sawi bakah mi harsa leh rethei zawk te chu zawldawh taka lo dawngsawng turin kalkhawm te a chah bawk a ni.

Lunglei Bawrhsap Pi Ramdinliani'n lawmna thu sawiin Civil Service Day 2023 lawmna a Home Minister Pu Lalchamliana'n hmanpui  theih avangin lawmawm a ti a. Civil Service Day hi kum 2016 ah Mizoramah hman tan a ni a. Ram puma hman hmasak ber chu kum 2006 khan New Delhi a Vigyan Bhavan ah hman a ni a. Sorkar hnathawk ten mipuite tana rawngbawlna a hma kan lakna te inenletna ni ah hmang ila,  kan hna thawhna te tha taka thawka sorkar duhdan leh mipuite hmakhua ngai chunga thawk zel turin kalkhawm a chah a ni.

Civil Service Day 2023 lawmna ah hian Tikam Singh Verma IPS (Probation) chuan Empowering Citizens and Reaching the Last Mile tih thupui hmangin powerpoint presentation a pe a, Pu Alan Lalthanzara, Setlement Officer, Lunglei in National Generic Document, Registration System tih thupui hmangin powerpoint presentation a pe bawk.