3011/2022-2023
Khawzawl, the 10th December, 2022: Deputy Chief Minister Pu Tawnluia chuan tukin dar 9:30 khan Khawzawla Futsal Ground siamna tur Mualvawm Field bul Pangzawl hmun chu tlawhin hmalak dan turte Official leh khawtlang hruaitute nen an enfiah.

Deputy CM chuan Khawzawlah infiamna hmunhmate siama tihchangtlun chhoh mek zel anih thu sawiin, Futsal Ground siamna tur hmunhma samfaia chiang lehzuala zirchiang tur leh a tul angte bawhzuia hma la turin Official-te a chah a. Hmunhmain a zawh dan a zirin Futsal Ground pakhat aia tam siam theih anih thu a sawi bawk.

Futsal Ground siamna tur hmun a en zawh hian Mualvawm Playground bula Lirthei dahna Parking Area a enfiah a, Martar thlan a tlawh nghal bawk.

Deputy Chief Minister Pu Tawnluia hi District Bawrhsap Pu C.C. Lalchhuangkima, Official dangte leh khawtlang hruaituten an tawiawm a ni.