No.6900/2020-2021

Deputy Chief Minister Pu Tawnluia chuan vawiin chawhnu khan SAD Conference Hall, MINECO-ah Mizoram Civil Service Association Official Magazine “RAHBI” leh Profile Booklet a tlangzarh. 

He hunah hian Pu Tawnluia chuan thu sawiin MCS Officer te chu kan ram inrelbawlna a Administration kengkawh tu an ni a, an hnathawh that leh that lohin ram inrelbawlna thui tak a nghawng a ni, a ti a. Member leh mi tam zawkin an chhiar theih tura Rahbi Magazine an buastaih leh chu lawmawm a ti a, he magazine a article tha tak tak te chu chhiartu zawng zawng ten an hlawkpui a beisei bakah Profile Booklet siam a ni pawh a tangkai a tih thu a sawi a ni. 

Deputy Chief Minister chuan Covid-19 Hripui leng karah MCS Officer ten Sorkar inrelbawlna chhawng hrang hrang a an tha thawh danah sorkar a lawm tih a sawi a, tha thlah loa tang chhunzawm zel turin a fuih a. CM Relief Fund-a an contribution ah lawmthu a sawi a. Hun engemaw chen tihtawp lailawk Combined Civil Service Exam chu kan Sorkar in Rules thar Mizoram Civil Services (Combined Competitive Examination) Rules,2020 chu May thla khan a siamthar leh a, thalai te tan chona lian zawk an buatsaih thu Pu Tawnluia chuan a sawi bawk a ni.

Mizoram Civil Service Association te hian October thla khan Sorkar ah General Conference hman phalna an hmu a, SOP zawm chunga hman an tum laiin hrileng a zual tak avangin hmanloh an rel ta zawk a.Vawiin function ah hian MCSA OB, Executive Committee member leh Rahbi editorial board chauh an tel a ni. 

Programme ah hian Pu K Laldingliana President chuan thu a sawi a, Pi Angela Zothanpuii Editor-in-chief, Rahbi Magazine leh Genereal Secretary Pu H.Lalhmingthanga’n programme a kaihruai a, Pu H Lalrinpuia Financial Secretary in lawmthu sawiin hun a khar a ni.