No.2201/2021-2022

Aizawl the 13th September, 2021 : Vawiin khan Deputy Chief Minister Pu Tawnluia chuan a pisa-ah Department of Mizo, Govt. Khawzawl College in an buatsaih 'Bingbi: A study of Mizo Fiction' chu zirlai ten tangkai taka an hman turin a tlangzarh.

Deputy Chief Minister Pu Tawnluia chuan lehkhabu tha, zir chianna bu hleitling chhuahtu Govt. Khawzawl College, Department of Mizo chungah lawm thu a sawi a. Lehkhabu ziaktu te chu hnam rohlu an nih bakah mizo literature ti hmasawn zel tu an ni, a ti a. 'Bingbi: A study of Mizo Fiction' chu zoram chhunga zirlai bakah state competitive exams beitu te tan pawh a tangkai a rin thu sawiin, he lehkhabu editors mi pathum Pi Lalrinchami Khiangte, Pi H Lalthanpuii, Pu Rochharzela te a lawmpui tak zet thu a tarlang bawk a ni.

He lehkhabu hming 'Bingbi' hi pangpar mawi tak, Lentlang dung, tlang sang bawmtu pangpar a ni a; Mizo ram chhungah erawh hmuh tur awmin a lang lo.

A bu chhung thu erawh mizo thawnthu (Novel / short story) chi hrang hrang zir bingna a ni thung a, phek 350 laia chhah a ni a. He lehkhabu-ah hian thawnthu (novel/ short story) 26 lai zir bing a ni a, chu bakah Generation Alpha leh Mizo Novel, Fiction of James Dokhuma tih paper a awm tel bawk a ni.