No.1334/2021-2022

Aizawl 10th July 2021: Vawiin chawhnu khan Deputy Chief Whip Pu Lalrintluanga chuan PHE Department hmalakna Feeding and Pumping Water Supply Scheme for Reiek chu a hmunah tlawhin, thawktute nen inkawmna hun an hmang.

Deputy Chief Whip leh Bialtu MLA nibawk Pu Lalrintluanga chuan thu sawiin Reiek leh a chhehvel khua tui harsatna su kiang tura PHE Department hmalakna hi fakawm tiin, theihtawpa tan la tu Chief Minister Pu Zoramthanga leh Deputy Chief Minister Pu Tawnluia hnenah lawmthu a sawi a. Tlawng tui vawiin ni a pump thlen a ni chu hmasawnna ropui tak ni a a hriat thu leh a khua mipuite leh khaw thenawm ten tui chungchanga harsatna an tawh thin te sut kian a nih a beisei thu a sawi a. Chhunzan zawma hnathawk tu ten hna an thawhna chu fakawm tiin, harsatna tam tak sutkian saktu Chief Secretary Pu Lalnunmawia Chuango chungah pawh lawmthu a sawi bawk a ni.

Engineer in Chief Pu C. Lalremsiama chuan tui connection pekna tur atana PVC pipe hman a nih tur sawiin, tui lakna hnar a hlat a vangin leh vai ram anga awlsam taka tui lak chu Mizoram topography in a zir ve lo a, hemi avang hian project cost reduction atan hmang tur an nih thu a sawi bawk a ni.

Feeding and Pumping Water Supply Scheme for Reiek hi Dihmunzawl-ah source a awm a, Ailawng-ah pump house awmin, main reservoir hi Reiek Tlang-ah a awm thung a ni. Estimate Amount zat Rs 12,96,62,510 a ni a, mi 3519 chawm thei tur a ni a, tun dinhmuna tui supply hi fur ah 40 Lpcd a ni a, thal ah 34 Lpcd a ni. He scheme hi zawh fel a nih hnuah erawh chuan 55 Lpcd beisei a ni. Water Demand 1,30,000 Lts. per day a ni a, pump head 892m(Total) a ni a, pumping hour leh discharge hi 8 hour pumping at 16000 Lt./hr a ni.

Attachment

  • Loading attachment...