No.754/2020-2021

Tun kar chhung hian Deputy Chief Minister, UD&PA Department changtu Pu Tawnluia leh UD&PA department hmalaknain UD&PA, DAY-NULM, Champhai chuan VLTF te nena tangkawpin Champhai khawpui chhunga mi harsa zual tanpui ngai mi 300 te hnenah tanpuina an sem.

Chhungkaw 300 tan a tanpuina lo kal hi Pu Lalnunfela Chawnngthu, DUDO Champhai chuan Veng hrang hrang VLTF te hnenah sem chhuakin VLTF te hian anmahni huam chhunga tanpui ngai te hnenah an sem chhuak ve leh a ni. He tanpuina hian pawisa fai Rs 300/- leh chawhmeh leh eitur mamawh Rs.700/- man hu a keng tel a, avaiin Rs 1000/- hu theuh tanpuina pek an ni.

Champhai khawpui chhung bakah hian Biate atangin chhungkaw 30 leh Khawhai atangin chhungkaw 20 te hnenah he tanpuina hi pek an ni bawk.