1126/2022-2023

Khawzawl, the 1st July, 2022: Khawzawl District Treasury Office thar hlanna leh luahluh bultanna nimina neih chu Deputy Chief Minister Pu Tawnluia, Tuichang AC bialtu chuan a hmanpui.

He hunah hian Pu Tawnluia chuan Khawzawla Treasury Office hanthawh bultan a ni ta chu lawmawm a tih thu a sawi a. Khawzawl District Treasury Office hnathawh Remna Ni-ah bultan hman tum ni mahse inpeih hman a nih loh avangin July ni 1 atanga hna tan tura ruahmanna siam a ni a, hna tan ni, Office hawn hmasak ber ni-ah Pathian hnena hlanna hun neih nise tih a nih angin hetiang hian hun hman a ni ta tih a sawi a. Khawzawl District Treasury Office hi August thla laihawl chhoa hawn theih tuma ruahmanna neih a nih thu a sawi bawk.

Vawiina Khawzawl District Treasury Office Pathian hnena hlanna, luahluh leh hnathawh bultanna hun hi Pu Lalchhuanliana Sailo, District Treasury Officer-in a kaihruai a, District Bawrhsap Pu C.C. Lalchhuangkima leh Khawzawl khawpui chhunga Sawrkar Department hrang hrang aiawhte an tel a ni.

Treasury Office atan hian Khawzawl Vengthara Pu WC Thandawla in chu luah a ni a. A bultan nan tun dinhmunah thawktu Treasury Officer bakah AO, AAO, LDC leh Fourth grade te an awm a ni.