3200/2022-2023

New Delhi, 9th January, 2023 : Deputy Chief Minister Pu Tawnluia chuan vawiin khan New Delhi-ah sawrkar laipuia Ministry of Housing and Urban Affairs Secretary, Manoj Joshi a hmu a, UD&PA Department hmalakna hrang hrang leh hmachhawp te a sawipui.

Pu Tawnluia hian Union Secretary hnenah hian Swachh Bharat Mission hnuaia Urban Town ten uluk zawka bawlhhlawh an sawngbawlna tur Solid Waste Management Centre chungchang sawipuiin a hlawhtlin thuai theihnan hma lak ran a tul thu a sawi a, Special Assistance to States For Capital Expenditure Part 6 Urban Reforms hnuaia project pawimawh tak tak pathum atana UD&PA in proposal an thehluh pawh lo bawhzui turin a ngen a ni. Dy. CM hian ADB Loan hmuh tur Aizawl Sustainable Urban Transport Project pawh chak taka hmalak a nih thu Secretary hi a hrilh a, project kalpui a nih hunah pawh Ministry puihna tam tak an mamawh tur thu a hrilh a ni. Inkawmna tha tak an nei a, Pu Manoj Joshi hian Dy CM hnenah hian AMRUT, SBM(U), PMAY(HFA) leh Scheme dangah State chanpual tur Allocation awm sa chu tihkhawtlai awm lova release zel a nih tur thu a lo hrilh a, Dy. CM in a thu thlente chu a lo bawhzui ngei tur thu a sawi bawk a ni.

Dy CM Pu Tawnluia hi Pu Amjad Tak, Resident Commissioner, Pu Lalmalsawma Pachuau, Secretary UD&PA leh Pu Zoramsiama Hmar, Under Secretary UD&PA ten an tawiawm a ni.