3199/2022-2023

Lunglei the 9th January, 2023 – Vawiin khan Lunglei DC Pu Kulothungan A kaihhruaiin DC Conference Hall-ah Lunglei District huamchhunga bawlhhlawh sawngbawl chungchanga hmalkna kal mekte leh hmachhawpte chungchangah meeting neih a ni.

Meeting-ah hian a kaihhnawih Department official-te, khawtlang hruaitute leh tlawmngai pawl hrang hrang aiawhte an tel a ni.

Meeting kaihruaitu Pu Kulothungan A chuan bawlhhlawh sawngbawl tha zawka kalpui anih theihnan member-te chu ngaihtuahna seng tura chahin hmei hmalaknaah hian Department-te chu a theih anga thawkho tlanga, convergence a hma la turin a chah a ni.

Bawlhhlawh sawngbawl leh faina kawnga Lunglei District huamchhunga hmalakna hrang hrang meeting-ah hian tarlan a ni a. District Level ah Committee paruk – District Level Committee on Solid Waste Management; Lunglei Sanitation Task Force; Biomedical Waste Management Committee; Single Use Plastic Free Committee; Awareness on Solid Waste Management Committee; leh Auditing Performance of garbage truck te chu din tawh niin hmalaknaa kal mek zel a.

Solid Waste Management hmalakna hnuaiah hian Model Village pathum – Diblibagh, Thenhlum, Thaizawl leh Model Town pakhat Tlabung te thlanchhuah niin sawrkar, khawtlang hruaitute leh tlawmngai pawlte tangkawpin hmalakna an kalpui chho mek a. Solid Waste Management Centre sak hna pawh kalpui mek zel niin Resource Management Centre building sak hna thawh mek anih thu UD&PA hotuten an report a ni.

Biomedical waste chungchang pawh sawiho niin Civil Hospital Lungleiah tui bawlhhlawh sawngbawlna khawl Effluent Treatment Plant chu CSR kaltlanga bun thar anih thu report a ni a. He khawl hian nitin tui chhia litre 20,000 thleng a sawngbawl thei a ni.

Bawlhhlawh paih leh sawngbawl chungchanga Lunglei District-a complain thehluh tur nei te tan Control Room for Waste Management Grievance Redressal siam niin 7005968251/8974244504 ah te complain a thehluh theih a ni.

Meeting-ah hian Single Use Plastic khapna chak zawka kalpui dan tur te, bawlhhlawh paih motor mamawh belh anih thu te, awareness campaign kalpui dan tur te, Department-te chak zawka hma an lak tlan dan tur te, Zirna in hrang hrangah awareness campaign kalpuia Eco Club din tura hmalak dan tur te ngaihtuah ho a ni.