No.1313/2021-2022 

Dated Khawzawl, the 9th July, 2021: Vawiin chawhma dar 10:00 khan Pu Tawnluia, Deputy Chief Minister leh MLA, Tuichang Assembly Constituency-in a bial chhunga AAY chhungkaw 668 leh PHH member 13,535 te July thla ration a khulsakna pawisa Rs. 2,73,165/- (Cheng nuaihnih singsarih sangthum za sawmruk leh panga) chu DC Conference Hall-ah Pu Zothanmawia, Deputy Commissioner, Khawzawl District-in bialtu MLA aiawhte kutah a hlan a, pawisa hi veng/khua hrang hranga Retailer-te hnenah hlan chhawn a ni.

Ration khulna pawisa inhlanna hun SDO Sadar Pu James Lalnithanga kaihhruaiah hian Khawzawl District Bawrhsap Pu Zothanmawia chuan a bial chhung mi harsate ngaihtuah thintu bialtu MLA chungah lawmthu a sawi a. Covid-19 hrileng vanga chhungkaw tam takin harsatna an tawh mek lai leh, chhawmdawl an mamawh lai taka tanpuina an dawng tur chu a lawmpui hle thu a sawi bawk.

Pu Tawnluia, Deputy Chief Minister-in July thla ration buhfai a khulsak zat hi AAY chhungkaw 668 tan quintal 233.8 leh PHH member 13,535 te tan quintal 676.75 niin, ration khulna man hi Rs. 2,73,165/- (Cheng nuaihnih singsarih sangthum za sawmruk leh panga) a ni a. AAY chhungkaw pakhatin buhfai kg 35 zel dawngin, PHH member tinin buhfai kg. 5 zel an dawng bawk.