No.7964/2020-2021

Aizawl the 30th March, 2021 : Government, of Mizoram, Disaster Management & Rehabilitation Department Order No.B. 13021/101 /2020-DMR/Vol-III dt. 17.3.2021 in Swimming Pool-a Covid-19 inkaidarh anih loh nana zawm tur inkaihhruaina dan a siam angin, inkaihhruaina dan thar a chhuah leh hma chu Swimming Pool hawn hmain a chhehvel 1% Hypochlorite solution in an kap thianghlim vek tur a ni. Swimming Pool a kalte hman turin kut silna leh hand sanitizer a awm tur a ni a, inthiarna hmun leh awmkhawmna hmunah dah bawk tur a ni. Face Mask/Cover hman hnute chu felfai takin a paihna hmunah paih tur a ni. Swimming Pool enkawltute chuan pawisa pekna felfai tak an ruahman bawk tur a ni a, tui tihthianghlimna leh Chlorine level chu dan anga enkawl tur a ni bawk ang. Sahbawn, Towel leh hmanraw dangte chu inhman tawm loh tur a nih bakah felfai taka bawlhhlawh paih anih theih nan bawlhhlawh bawm tam tawk tak a awm tur a ni. Swimming Pool enkawltute zinga pakhat chu Nodal Person atana ruat tur a ni anga, Covid-19 laka him theihna tura siam Poster/standee/AV media te chu langsar deuha tarlan tur a ni. Choka, rest room etc. te awmna pindanah boruak thianghlim a luh theihna turin tukverh leh kawngkate hawn a, fan leh thil dang hmangin boruak luhtir tur a ni. Inkaihhruaina hman leh kenkawhna-ah Swimming Pool enkawltu ten mawh an phur ang.

Swimming Pool luhnaah kut tihfaina (Sanitizer dispenser) leh khawsik enna (Thermal Scanner) dah ngei ngei tur a ni a. Swimming Pool hrnang tura kalte chu khawsik enna hmanga enfiah vek tur a ni. Natna kai awma iang lote chauh luh tir tur a ni a. Face Mask hi tui chen loh lai chuan vuah reng tur a ni. A theih chuan luhna leh chhuahna hran siam ni se.

Pool luh hmain fai takin kut an sil tur a ni a, tui chen hma leh tuichen zawhah inbual ngei tur a ni bawk. Swimming Pool, gallery, choka. rest room leh awmhona hmun dangah social distancing vawn tur a ni. Catering Staff te chuan mask leh glove an hmang tur a ni.