4433/2025-2026

Lawngtlai, the 12th Febuary, 2026 : Vawiin chawhma dar 11:00 AM khan DC's Conference Hall, Lawngtlaiah Bawrhsap Pu Donny Lalruatsanga kaihhruaiin Lawngtlai District chhunga Centrally Sponsor Scheme (CSS) hnuaia department hrang hrangin hma an lak dan thlirhona neih a ni.

Pu Donny Lalruatsanga chuan kalkhawmte hnenah lawmthu sawiin, Lawngtlai District- a Department abik takin Centally Sponsor Scheme - hmalakna kalpui mek review theih a ni chu lawmawm a tih thu a tarlang a. CSS kaltlanga hmalakna inhriat pawh a tul a, thuneitu sang zawk a thlen ngaite pawh inhriat tlanpui a pawimawh hle a ni, a ti. Kumin 2025-2026 Financial Year - kal mek ah hian Lawngtlai district dinhmun hriat chian a ngai tiin, hmasawn leh tan lak ngaihnaah theihtawp chhuah a nih tur thu a sawi. MNREGS - nen a 'convergence plan' sawrkar kal mekin a ngai pawimawh em em a, Convergence bik ah March, 2025 ah thehluh a ngaih dawn thu a tarlang in, department hotute lo in ralring turin a chah nghal a ni.

He hunah hian department hrang hrang- Samagra Shiksha Abhiyan, AH&Vety Department, Comerce & Industries, DCSO, PWD, Women & Child Development Department, District Child Protection Department, Fisheries Department, Govt. Lawngtlai College, ADMA, Forest Wildlife Division, Agriculture Department, Horticulture Department leh RD Department- te hnen atang in Central Sponsor Scheme hnuai a an hmalakna leh hmachhawp te ngaihthlak a ni.

Pu H. Zonunmawia, Project Director, DRDO Lawngtlai chuan RD Depatment- in Centrally Sponsor Scheme hnuaia an hmalakna hrang hrang tarlangin, Department - tin te Convergence Plan siam dawnin BDO- te nen in rawn a, tih hlawhtlin theih ngei tur plan neih a tul a ti a. A tak taka umzui theih tur proposal- nei turin Department dangte a sawm bawk.

Vawiin Centrally Sponsor Scheme Review meeting - ah hian Head of Department an kal tha hle a, Bawrhsap Pu Donny Lalruatsanga chuan lawmthu sawiin hun a khar a ni.