4434/2025-2026

Saitual, the 12th February, 2026: Vawiin khan Tualbung Panchayat Bhawan-ah an khaw tana Water Supply Scheme hlawhtling taka thawh zawh anih lawmna leh he project hi Tualbung Village WATSAN Committee (VWSC) kuta hlanna hun 'Jal Arpan Diwas' hman a ni.

Programme hi zing dar 7:30 ah ‘Transect Walk’ hmangin bul tan ani a, ‘Transect Walk’ ah hian khaw chhung tui semna pipeline leh valve te an dinhmun tlangpui en ho na neih a ni a, chumi zawhah Panchayat Bhawan-ah hun hman chhunzawm a ni.

Jal Arpan Diwas programme hi, Pu K.Lalbiakenga, VC Secretary in a kaihruai a, PHED Saitual WATSAN Division atangin Er. Lalpektluanga, Sr. EE in sawi hawnna nei in, Er. Lalzuala, Sr. SDO in Technical report a pek bakah ‘Meri Panchayat App’ hman dan hrilhfiahna a nei nghal a ni. Pu H. Rozamliana, Laboratory Assistant in Field Testing Kit hman dan zirtirna a neih zawhah Pu Lalhmangaiha, VCP in thu a sawi a, chumi zawhah document pawimawh hrang hrang: Inventory List, As-built Drawings, Schematic line diagram, Technical test report hrang hrang te leh Water Quality Test Report te Village WATSAN Committee hruaitute hnenah hlanna hun neih a ni a. Jal Apran Diwas thutiam sawirualn in he hun hi khar a ni.

Tualbung Water Supply Scheme hi Jal Jeevan Mission hnuaiah January 2024 khan cheng vbc 4.59 senga thawh zawh tawh a ni.