Nimin ni 23.3.2016 (Nilaini) khan National Highway 44A kawng sial mek a zangnadawmna chungchanga harsatna neite Pi Lalbiaksangi, District Bawrhsap hovin a hmuna kal chilhin en ho a ni.

Zangnadawmna dawngtute zinga hriatthiam loh nei an awm avangin hmun thenkhatah hna kal lai tih tawp a ni thin a. Chutiang harsatnate chu a hmunah kalin ram neitute nen enhova, in pawh tlang taka sawi ho a ni a, District Bawrhsap chuan kan zavaia hmasawnna na tur kawngpui laihna tha taka thawh anih theih nan hnathawktute tha taka tawiawm turin ram neitute hi a hrilh a ni, District Bawrhsap hi Er. H. Zoramliana, EE, PWD National Highway Division-I Pu Vanlalhmachhuana, ADC Pu Isaak, Lalrempuia SO. Er. R. Lalpeka, SDO, PWD, National Highway Sub-Division-I, Lengpui . H. Lalthanpuia, SDO, PWD, National Highway Sub-Division-II, Mamit leh midang ten an tawiawm a. Dapchhuah Tut Lei dawh hna kal lai mek chu District Bawrhsap hian a tlawh nghal bawk a.

NH-44A siamna atan hian ni 12.11.2007 khan Land Acquisition Act, 1894, section 4 hmangin Notification chhuah a ni a, zangnadawmna hi pek fel thawkhat niin tunah hian Gayatri Project Limited, Hyderabad in kawngpui siam hna hi an thawk a, tun lai hian theihtawp chhuahin Contractor-in hna an thawk mek a ni. Ram neitu harsatna hrang hrang nei mi 14 enfiah an ni a vawiin hian District Bawrhsap hovin PWD hotute leh sorkar mi pawimawh ten an en chhunzawm leh ang.