161/2023-2024

Aizawl, the 20th April : Dr. Lalhriatzuali Ralte IAS, Deputy Commissioner, Aizawl District hovin vawiinah Solid Waste Management chungchanga mipuite inhrilhhriatna nei tura ruat Special Task Force te an thukhawm. Meeting ah hian Information & Public Relations Department, NSS, DDK, AIR, MJA leh Biodiversity Conservation Network (BIOCONE) te an tel a ni.

Vawiin meeting-ah hian bawlhhlawh thliar hran dan tur te leh Single Use Plastic hman chungchangah te zirtirna pek dan tur sawiho a ni. Tunah hian bawlhhlawh paih dan inzirtirna hi zirna inah kalpui mek a ni.

Hmalakna hmasa ber atan Aizawl khawpui chhunga bazar hmun hrang hrangah Special Task Force member-te kal a inzirtirna pek dan tur te sawiho a ni bawk.