Skill Development Training Centre, Diakkawn leh Bandhan ATM Booth thar Diakkawn a mi chu vawiin khan Pu H.Lalengmawia'n a hawng.
Skill Development Training Centre-ah hian spoken english , communication leh soft skills te zirtir a ni dawn a, spoken hindi zirtir tura hmalak mek a ni. Kolasib Bawrhsap H. Lalengmawia chuan English zir thar turte hnenah Grammar dik thlapa thiam tum aiin, inhriat pawh tawn theih a thiam a pawimawh zawk thu a hrilh. Tunlai Mizo thalai BA/ MA zingah tawng thiam tawk lo hriattur an awm fo chu pawi a tih thu a sawi a, tawng tel lovin mihring nun ho theihloh tluk a ni tiin, English thiam loh chuan harsatna a awm fo theih thu leh a ri a chhiar thin chu tawng thiamna tura thil tangkai tak a nih thu a sawi bawk.
He training centre-ah hian Thawktute sawi dan chuan zirna hi thla 3 course zel tur niin seat 25 buatsaih a ni.
ATM Booth, Bandhan Bank-in an hawn thar hi Kolasib a ATM 4-na niin, Bandhan Bank chauh nilo, ATM Card hrang hrang hmang pawhin pawisa a lakchhuah theih dawn a ni.
Bandhan Bank hi Mizoram-ah Kolasib-ah chiah hawn ala niin, Aizawl -ah hawn tumin hmalak mek a ni a. Bank a thawk tur hian Kolasib mi ngei chu duhthusam anih thu sawiin, Manager chuan Bachelor degree nei tan dilna thehluh theih reng a nih thu a sawi bawk.
