Mizoram hmun hrang hrangah thil ti sualtu Police ten an man tawh leh an kawl sa 'Hmuh' tum talh leh hmuh duh vanga sawrkar hnathawk chunga tharum thawhna leh sawrkar bungrua chunga kutthlakna a thleng ta fo mai. Heng thil duhawm lo tak hi civilized society a thleng a tan a mawi loh mai bakah that lohna tam tak a hnuai a mi ang hian a nei a ni.

1. Hnuchhui tuten hnuchhui hna thawk thei lek lo in, mipui thinrim nen innawr a ngai thin a, hei hian thilsual ti tu dan anga kan hremna tur hna nasa takin a ti thuanawp thin.

2. Hetiang hunah hian inhliamte damchhunga piangsualnate leh thihna te hial a thleng thei thin a ni.

3. Sawrkar bungraw chhia avang hian sawrkar sum tam tak, tul lo taka sen ral a ngai fo bawk.

4. Hetiang thil a thlen hian tel ve mai maite pawhin Criminal Case an awrh phah thei a, an hun kal zelah record tha lo tak neih phahin, sawrkar hna leh hnadang thawk thei lo in an awm phah thei a ni. Hetiang thila sawrkar hnathawk lai mek tel an awm phei chuan an hna in nasa taka tuar tura hrem theih an ni bawk.

Hetiang hunah hian Police te tan pawh dan kenkawh a tul bawk avangin hetianga mi sahawk lo pungkhawmte hnawh darh nan leh dan nan, a tul ang zela chet a ngai a. Chuvangin Mizoram Police chuan Mizoram mipuite hetiang kan 'Hmu Duh' tih vanga Police hmun leh sawrkar hmun reng reng luhkhung ching lo turin a ngen a ni.