No.2355/2020-2020 

Dated Serchhip, the 23rd June, 2020: Dr. Lalzirmawia chhangte, IAS, Deputy Commissioner, Serchhip District chuan Total Lockdown Serchhip Town Area a kal pui dan tur thupek a hnuai a mi ang hian a  ti chhuak. 


Mizoram sawrkar chuan 23.06.2020 atanga 30.06.2020 thleng Total Lockdown neihtur tih order chu No. B. 13021/101/2020-DMR/Pt-III Dt. 21.06.2020 hmangin a ti chhuak a. He Lock Down inkaihhruaina chu Deputy Commissioner, Serchhip District in No.C.11011/3/2020-DC(SRCP)/1 Dt. 22.06.2020 hmangin a tichhuak ve leh a.He Total Lockdown hi Serchhip District-ah chuan Serchhip Town Area ah zawm ve tur a ni ang. Total Lockdown chungchanga mipui nawlpui leh Village Level Task Force(VLTF) te tihtur leh zawm tur te chu a hnuaia tarlan ang hi a ni a, mi zawng zawng zawm vek turin kan inhriattir a ni e.

 

  1. Serchhip District mi leh sa, Lockdown avanga State pawna tangkhang lo haw tur te chu Deputy Commissioner Serchhip hnenah an in report vek tur a ni.
  2. Serchhip Town Area atanga bungraw thiar chhuak emaw la lut tur te’n Deputy Commissioner hnen atangin phalna an la tur a ni a, Essential Commodities phur tur tan erawh phalna hranpa a ngai lovang.
  3. Town Area-ah nitin mamawh ( Essential Commodities) zawrhna dawr, eichawp dawr (Whole Sale leh Retail), veng tina dawr te, Supply Retailer (Fair price Shop), mihring leh ran damdawi dawr leh Clinic, thlai chi leh leitha zawrhna, kuthnathawktute hmanraw zawrhna, ranchaw zawrhna leh bungraw phur mamawh oil spare parts leh hnathawhna a tana mamawh- brick, cement, rod leh in sakna bungraw zawrhna dawrte chu Deputy Commissioner leh VLTF te ruahmanna siam angin hawn theih a ni ang.
  4. Mimal ei zawnna hna( Cottage & Home based industrial units) heng puanthui, puantah, Carpentary, Frabrication, Bakery leh a dangte chu phalna hranpa lak ngai lovin kalpui theih a ni. Hnathawktu ten social distancing dan zawm chungin hna an thawk tur a ni a, hnathawhna hmunah te hian mi 5 (panga) aia tam awmkhawm phal a ni lo.
  5. Mipuiin awlsam zawka sa, thlai leh chawhmeh an hmuhtheih nan veng hrang hrangah VLTF ten ruahmanna an siam ang.
  6. Inneih, inkhawm leh mithi vuinaah mi 35 aia tam punkhawm khap a ni. Hei hi kohhran leh khawtlang hruaitute’n khauh taka kalpui tura beisei a ni.
  7. VLTF te mahni veng theuhvah duty tur a ni a, tul bik thilah chuan movement petmit pawh pek tur a ni. VLTF te hi vawikhatah mi 5 aia tam duty tur a nil ova, duty na hmunah social distancing kenkawh tur a ni. Kum 60 aia upa te duty loh bawk tur a ni.
  8. Serchhip Town Area-ah tumah in mahni in leh compound an chhuahsan tur a ni lova, lirthei hmanga mipui chet vel pawh khap tlat a ni. Commercial Vehicles(maxi cab, Taxi, Auto Rickshaw, Pickup etc.)te pawh tlanchhuah phal a ni lo. Hei hian a hnuaia tarlan te hi a huam lovang.

 

  1. Magistrate, Police leh Excise duty te
  2. Government leh Community Quarantine/Isolation facility a thawkte leh chaw leh tui pe tute
  3. COVID-19 kaihhnawih thila duty tura a bika ruat te
  4. Medical leh Veterinary emergency duty leh hospital (sawrkar leh private) a thawkte 
  5. PHE,P&E leh PWD a thawkte duty neite
  6. Hminghmerh-a duty tura ruat (detailment order nei) sawrkar hnathawkte 
  7. Bank, Insurance, ATM, Postal, Telecom service provider hnathawkte
  8. Essential Commodities phura veivak te
  9. VLTF duty te 
  10. Print & Electronic Media, Cable leh Internet services a thawkte
  11. Kohhran hminga motor register te
  12. Bawnghnute sem
  13. Bawlhhlawh paih
  14. Petrol pump leh LPG delivery a thawktute
  15. Courier, home delivery leh E-commerce service te
  16. Private security service te
  17. DC in phalna a pek te
  18. Mizoram bar Association hnuaia practicing Advocate te, court a an inlan a tul ni a tan chauh. Heng te hian an court ni a ni ngei tih finfiahna, cause list an keng ngei tur a ni.
  19. District hrang hranga MSACS hnuaia ART, OST leh syringe needdle exchange kalpui tura ruat bik NGO member te, an hna an thawh ni atan chauh. Hengte hian an ID Card leh an duty order/Roster an keng tel ziah tur a ni.
  20. Pastor, Kohhran Upa leh rawngbawl tute tul bik thila kohhranin rilru leh thlarau lama harsatna tawkte tan a rawngbawl tura a ruat bik te. Kohhran lehkha, hemi atan bik a siam an nei tur a ni.
  21. State leh Central board hnuaia Class X leh XII board examination 01.07.2020 atanga tan tur buaipuitu official, zirtirtu leh zirlai exam tur te leh an kal velna lirthei te. Zirlaite tan Admit Card leh official/zirtirtu te tan duty tura detail an nih na lehkha copy ken ngei tur a ni.

 

  1. Serchhip Town Area atanga luh leh chhuah (zin veivah) khap a ni. Tul bik thil leh emergency a veivah ngaite chuan VLTF te kaltlangin Deputy Commissioner phalna lak tur a ni.
  2. District pawna veivah ngai te tan mCOVID-19 mobile application-ah mPASS hmangin dilna siam tur a ni a, he dilna hi VLTF ten an hriatpui ngei tur a ni.
  3. Mihring veivahna permit chu tul bik thilah VLTF ten movement permit an pe ang. Lirthei chhuak tur reng reng- feh tur, dawr a kal tur, petrol la tur, office dawr tur leh a dangte’n mCOVID-19 mobile application-ah mPASS hmangin dilna an thehlut ang.
  4. District headquarters atanga feh tur te chuan zing dar 4:30 atang zing dar 7:00 in karah khawpui an chhuahsan fel hman tur a ni a, tlai dar 5:00 atang Dar 7:00 inkarah an in an haw thleng fel leh tur a ni.
  5. Chhiatrupna thlen hlauhawm avanga insak chhunzawm leh hnathawh chhun zawm ngai te chu VLTF te hriatpuina leh remtihna in hna chhunzawm theih a ni anga. Hnathawktu ten social distancing dan zawm chungin hna an thawk tur a ni a, vawi khatah mi 5 aia tam hnathawk tu awm phal a ni lo.
  6. Serchhip Town Area a whole sale leh retail dawr, vengchhung dawrte te tiamin an dawrah Essential commodities rate an tarlang vek tur a ni. Purun, Alu, Dal, Artui, Buhfai, Chini, Tel, Chi, bawnghnute leh a dangte man te hi an tarchhuak vek tur a ni. MRP aia to in thil zawrh phal a nilo.