No.2354/2020-2020

Dated Serchhip, the 23^rd June, 2020: Dr. Lalzirmawia Chhangte, IAS, Deputy Commissioner, Serchhip District chuan COVID-19 hri darh zel tur venna atana lockdown kalpui zel dan tur a hnuai ami ang hian thupek a chhuah:

Mizoram sawrkar-in COVID-19 darh zel tur venna atana total lockdown a puan chu Dt. 23.06.2020 atanga 30.06.2020 thleng Order No. B.13021/101/2020-DMR/Pt-III dated 21.06.2020 hmangin pawh sei a ni a. He Order zulzui hian kei Dr. Lalzirmawia Chhangte, Deputy Commissioner & Chairman, District Disaster Management Authority, Serchhip District chuan Disaster Management Act, 2005 Section 26-in thuneihna min pek angin Serchhip District ah ni 23.06.2020 atanga ni 30.06.2020 thleng total lockdown hi kalpui tur a ni tih ka puang e.

He inkharkhip (lockdown) Serchhip District-a kalpui chhunzawm zel dan tur leh hriattur pawimawh hrang hrang duan/siamte chu thil tel (enclosed) a ni a, mi zawng zawng zawm vek tura hriattir kan ni. Hei hian Lockdown kalpui dan tur chungchanga order tihchhuah tawh zawng zawng a luahlan (supercede) ang.

Tin, zan lam dar 7:00 PM atanga zing lam dar 4:30 AM thleng pawn chhuah khapna leh vantlang hmun leh hnathawhna hmuna vawi khata mi panga (5) aia tam punkhawm khapna order No. J.12017/2/2020-DC SRCP/333 dt. 3.5.2020 leh No. J.12012/2/2020-SRCP Dt. 1.6.2020 District Magistrate thupek pawh a la ding reng a ni.

23.06.2020 LEH 30.06.2020 INKARA LOCKDOWN KALPUI DAN TUR

A. International & Inter-State Border

1. International border chu khar chhunzawm a ni ang.

2. Inter-State border khar mekte chu khar chhunzawm an ni ang. Lengpui Airport erawh chu hawn chhunzawm a ni ang.

3. Bairabi, Vairengte leh Kanhmun kaltlang kawngpuite erawh chu essential commodities bakah Home Department-in a phal bungraw dang phur lirtheite tan hawn a ni ang. Ramri (International leh inter-state) leh ramri dep khuaah te khauh (strict) taka duty chhunzawm zel a ni ang

4. Home Department phalna la hmasa lo chuan Mizoramah zin veivakte luh khap a ni. Mizoram mi leh sa hmun danga tangkhang, sawrkarin phalna a pek tawh, kalkawnga tang mekte erawh chu an luh phal a ni ang. Mizoram chhuahsan tur erawh chuan Deputy Commissioner, Serchhip phalna la in Mizoram an chhuahsan thei ang.

4. Ramri (International leh inter-state) leh ramri dep khuaah te khauh (strict) taka duty chhunzawm zel a ni ang.

B. Mizorama lo lut tur screening leh quarantine chungchang

1. Phalna neia Mizoram-a lo lut reng reng chu entry point ah uluk taka screening kalpui chhunzawm a ni ang. Mizoram mi leh sa, Lockdown avanga state pawna tangkhangte lo kir leh dan tur ruahmanna chu “COVID-19 Lockdown avanga Mizoram mi leh sa, Mizoram pawna tangkhangte lo haw dan tur kaihhruaina siamthat (Revised Standard Operating Procedure)”-in a sawi angin kalpui a ni ang.

2. Mizorama lo lut tur reng reng chu sawrkar/community/Hotel/Home quarantine facility ah ni 21 emaw sawrkarin a bituk hun chhung an aw manga, hemi chhung hian Health Department in RT-PCR test an ti ang. Home Quarantine hi tul zual bikah chauh phal a ni ang. Quarantine-a awm chhung hian sawrkarin kaihhruaina a siam te chu tha taka zawm tur a ni. Tin, mCOVID-19 leh Aarogya Setu ah an in register tur a ni.

3.Driver leh handyman te, Mizoram pawn atanga bungrua la-a zin te chu Sawrkar quarantine facility-ah an khawsa ang a, bungraw lak hna an thawh chhung chu midang nen intlawhpawh lovin quarantine facility atangin an thawk ang a, load an lak hnuhnun ber atanga ni 14 hnu-ah an in lama haw phalsak an ni ang. Quarantine facility-a an awm chhung hian an chhungte leh midang tlawhpawh phalsak an ni lovang. Aarogya Setu ah an in register tur a ni.

4. State pawn lam lirthei driver leh handyman, phai atanga bungrua rawn thiar lut thinte chu an kalphung pangngai angin khaw daiah anmahniin eirawng an inbawl chawp ang a, khawchhungah midang nen inchiahpiah lovin an bungrua an unload zawh veleh an let leh nghal ang. An bungrua unload chhung hian midangte atanga metre 2 tala hla-ah an awm tur a ni. Aarogya Setu ah driver leh handyman te hi an in register tur a ni.

5. All Mizoram Petroleum Dealers Association (AMPEDA) leh Mizoram Tanker Drivers Association (MTDA) hnuaia tanker driver leh handyman, Mizorama khawsa te, Mizoram pawn atanga oil phur lut te reng reng chu an oil phurh an unload hnu ah Vairengte-a an awmna tur ruahmanah an khawsa ang a, hemi hmun atang hian chhungte nena intlawhpawh lovin load an thiar thin ang. Aarogya Setu ah an in register vek tur a ni.

6. A chunga tarlan driver leh handyman-te hian kawng laka harsatna an tawh thulhah State Control Room (Toll free 1070, landline 0389-2335842/2335837 leh mobile 9366331931)-ah phone-in an harsatnate an thlen thei ang.

C. Bungraw chawkluh leh thiar chungchang

1. State pawn atanga bungraw lakluh theih zingah nitin mamawh (essential commodities)-te leh bungraw dang Home Department in order dated 22.05.2020 hmanga a phalte chu phalna hranpa lak ngai lovin lakluh theih a ni

2. Bungraw lalut tur reng reng chuan mCOVID-19 mobile application-a mPass hmangin emaw ziakin entry point-ah declaration an thehlut tur a ni.

3. Hemi hun chhung huan Clause C (1) a tello bungrua reng reng lakluh khap a ni. 

4. District Headquarter atang bungraw thiar chhuak emaw la lut tur ten Deputy Commissioner hnen atangin phalna an la tur a ni. Essential Commodities te tan erawh phalna hranpa a ngai loving.

D. Dawr leh sumdawnna hmun

1. District Headquarters leh Deputy Commissioner in Containment area a a puanah te chuan dawr leh sumdawnna hmun hawn khap a ni. Amaherawhchu, (Essential Commodities) zawrhna dawr, mihring leh ran damdawi dawr, clinic-te, thlai chi leh leitha zawrhna, kut hnathawktute hmanraw zawrhna, ran chaw zawrhna leh bungraw phur mamawh oil, spare parts leh hnathawhna atana mamawh-Brick, Cement, Rod leh insakna bungraw zawrhna dawrte chu Deputy Commissioner leh VLTF te ruahmanna siam angin hawn theih a ni ang

2. Mimal eizawnna hna (Cottage and Home base industrial units) heng –tailoring, Weavif, carpentary, fabrication, bakery leh a dangte chu phalna lak ngai lovin kalpui theih a ni. Hnathawktu ten ‘Standard Operating Procedure (SOP) for Social Distancing” (Attachment -1) zawm chungin hna an thawk tur a ni. Hnathawhna hmunah te hian mi 5 (Panga) aia tam awmkhawm phal a ni lo. Hnathawktute veivahna thilah erawh chuan VLTF te hriatpuina lak tur a ni

3. Dawr, sumdawnna hmun leh eizawnna kawnga hmalakna te chu ‘Standard Operating Procedure (SOP) for Social Distancing” (Attachment -1)  a tarlan zawm chungin kalpui tur a ni.

4. Mipuiin awlsam zawka thlai leh chawhmeh an hmuh theih nan veng hrang hrangah VLTF ten ruahmanna an siam ang. 

Dawr zawng zawng (damdawi dawr tiam lovin) chu tlai dar 5:00 ah khar vek tur a ni.

5. Mizoram-a khualzin cham mekte Hotel-ah thlen phal a ni a. Mikhualte tana ei leh in buatsaih pawh phal a ni. Amaherawhchu, pawn lam mi (hotel-a thleng mikhual ni lo)-te an dawngsawng tur a ni lo.

E. Zirna in, sakhaw biakna hmun leh mipui punkhawmna hmun te

1. Zirna in, training institute leh sakhaw biakna hmunte chu khar chhunzawm zel a ni ang. Amaherawhchu, hei hian an administrative office hna pangngai kalpui erawh a huam lovang.

2. Mi 5 (panga) aia tam punkhawmna heng- inneih lawmna (reception), lungphun, anniversary leh birthday lawmna, games & sports, tournament, book release, politics leh pawl thila kalkhawmna, intihhlimna ang chi reng reng - te chu he hun chhung hian huaihawt phal a ni lo.

3. Inneih inkhawm leh mitthi vuina-ah mi 35 aia tam punkhawm khap a ni. Hei hi kohhran leh khawtlang hruaituten khauh taka kalpui tura beisei an ni.

F. Zin veivah leh mipui chet vel chungchang  

1.  District Headquarters leh Deputy Commissioner in Containment area a a puante atanga luh leh chhuah (zi veivah) khap a ni. Hei hian lockdown hmaa zin chhuakte haw na, damlohna (medical emergency) leh chhiat tawh thila chhungkhat (Pi leh pu, Nu leh pa, tu leh fa leh pianpui unau) te veivahna a huam loving. Amaherawhchu, an awmna Deputy Commissioner phalna, VLTF te kaltlangin dil tur a ni ang.

2. District Headquarters leh Deputy Commissioner in Containment area a a puanah te chun lirthei hmanga mipui chetvel khap tlat a ni. Hei hian sawrkar hnathawk duty te motor, Ambulance leh medical/veterinary emergency a hman motor te, sawrkar leh private hospital-a thawkte motor, Telecom service duty te motor, print and Electronic media te motor, kohhran hminga motor register-te, bawlhhlawh paih motor, bawnghnute phur/semna motor te leh VLTF duty-te lirthei leh phalna neia bungraw phur motor te a huam loving.

3. Tul bik thilah chuan Aizawlah Superintendent of Police (Traffic) leh District danga Containment area ah Deputy Commissioner ten phalna (Exemption) a pe thei ang.

4. District Headquarters atang feh tur reng engte chuan zing dar 7:00 hmain khua an chhuahsan fel hman tur a ni a, tlai lam dar 7:00 ah in an thleng fel tur a ni. Hetianga feh chhuak turte chuan ziakin an chenna VLTF te hriatpuina an la hmasa tur a ni. Hemi hunbi vawng theilo tan feh chhuah phal a ni lo.

G. Mipui vantlang tana inkhuahkhirhna hriatturte

1. Hemi hunchhung hian mi 5 (panga) aia tam punkhawm khap tlat a ni. Hei hian Clause E(3)-a inneih inkhawm leh mitthi vui programme a huam lovang.

2. Deputy Commissioner in Containment Area a a puanah te phalna nei lo chuan tumahin mahni in leh compound an chhuahsan tur a ni lo. Hei hian a hnuaia mite hi a huam lovang.

a) Hminghmerha Duty tura ruat (Detailment order nel) Sawrkar hnathawkte office kal leh haw.

b) Medical leh Veterinary emergency duty leh Hospital-a thawkte.

c) Bank/ insurance, ATM, Postal, Telecom service provider hnathawkte.

d) Print and electronic Media, Cable leh Internet Service a thawkte.

e) Bawnghnute sem leh bawlhhlawh palh.

f) Petrol pump leh LPG Delivery a thawktute.

g) Courier home delivery leh e-commerce service te leh

h) Private security service te

i) Mizoram Bar Association hnuaia practising Advocate te, Courta an inlan a tul ni atan chauh. Hengte hian an Court ni a ni ngel tih finfiahna, cause list an keng ngel tur a ni.

k) MSACS hnuaia ART, OST leh Syringe needle exchange kalpui tura ruat bik NGO member te, an hna an thawh ni atan chauh. Hengte hian an ID Card leh duty order/ roster an keng tel ziah tur a ni.

k) Pastor, Kohhran upa leh rawngbawltute tul bik thila kohhran in rilru leh thlarau lama harsatna tawkte tana rawngbawl tura a ruat bikte. Kohhran lehkha, hemi atan bila slam an nei tur a ni.

l) State leh Central board hnuaia Class -X leh XII board examination 01.07.2020 atanga tan tur buaipuitu official, zitirtu leh zirlai exam turte leh an kal velna lirtheite. Zirlaite tan Admit card leh official/ Zirtirtu te tan duty tura detail an nihna lehkha copy ken ngel tur a ni.  

3. Tlai dar 7:30 leh zing dar 4:30 inkarah pawn chhuah khap tlat a ni. Hemi atan hian District Magistrate, Serchhip District-in Section 144 CrPC tlawhchhana inkhuahkhirhna thupek a chhuah chu ala ding reng a ni. Hei hian COVID-19 kaihhnawiha duty te, phai atanga essential commodities leh Home department-in a phal bungraw phur/unload tute leh District Magistrate -in phalna a pek te a huam lovang.

4. Pawn (dawr/office/damdawiin/ vantlang hmun) chhuak  tur reng chuan (face mask emaw hmanraw dang hmangin) hmai an tuam ngei tur a ni, Face mask hian hmui leh hnar a khuh ngei tur a ni. 

5.   Vantlang hmun-dawr, office, damdawiin, a dangte-a kalte chu metre 2(hnih) tala inhlata awm tur a ni.

6. Loh theih loh avanga pawn chhuah a ngaih chuan, mahni veng bialtu incident commander/Executive Magistrate emaw VLTF te hnenah chhuah phalna lak tur a ni anga, Lirthei hmanga chhuak turte chuan Superintendent of Police (Traffic) hnenah lirthei tlan phaln an la tur a ni. 

H. Mizoram Sawrkar Office

1. Group A officer, Aizawl leh district headquarters danga thawkte chu dang pangngaiin office kal tur a ni.Group B chu 50% in an in kal chhawk anga, Group C&D staff te erawh chu hmun thuma then hmun khat zelin an inkal chhawk ang. Secretary, Head of Department emaw Head of Office ten inkalchhawk dan tur an ruahman ang. A tul dan a zirin group B, C and D te chu a chunga kal tura tarlan aia tam pawh kal turin a ruahman theih ang. Mizoram sawrkar hnuaia Board, Corporation leh Statutory body te pawh hetiang hian an kal ang.

2. Mizoram chhunga Central Sawrkar office/PSU/RBI, bank, financial institution, constitutional/statutory body te chu an headquarters lam atanga kaihhruaina an dawn angin an kal ang.

3. Health Department a thawktute, Home Department leh a hnuaia thawktute- Police, Home Guards, Civil Defence, Fire and Emergency Services, Prisons, Disaster Management, Civil Aviation, Excise & Narcotics, Municipal Services, Forest field works, PWD/PHE/P&E Deptt. A technical staff te leh, Aizawl khawpui leh District Headquarters nilo hmun danga sawrkar office te chu a pangngaiin (Full Strength) an kal ang.

4. Sawrkar hnathawk hrisel lohna benvawn leh naupaite chu Head of Office ten medical certificate ngai lovin commuted leave an pe thei ang. 

5. Head of Office ten khauh takin SOP an Social Distancing an kalpui tur a ni. 

6. Tul bikah lo chuan meeting neih loh tur a ni. A huhova inrawn/sawiho ngai thil a awm a nih chuan a theih chin chinah video conferencing leh online mode dangte hman tangkai hram tur a ni. Meeting turin District-a officer te Aizawl ah koh loh tur a ni.

7. Department emaw office dangte nena indawr tulna thilah chuan email emaw electronic media dang hman hram tum tur a ni.

8. Mipuiin Sawrkar Department te ral khat atanga an dawr theih nan Department tinin Information Technology an hmang tangkai tur a ni. Hemi atan hian a tul angin ICT Department-in hma a la ang.

I. Hmalakna dang chungchang

1. Deputy Commissioner In containment area-a a puan chhunga ram hmasawnna hna leh mimal hna kal laklawh, chhunzawm lova chhiatna thlen palh thei te chu VLTF te hriatpuina - a chhunzawm theih a ni ang a, Hnathawktute veivah chungchang pawh an ni remtihna ang a kalpul tur a ni. Hnathawhna hmunah hian mi 5(panga) ala tam thawh phal a nilovang a, Social distancing an zawm tur a ni. 

2. Hmundangah erawh chuan Inkhuahkhirhna a awm lovang.

J. HREMNA DAN 

He thupek zawm lo chu Disaster Management Act, 2005 Section 51 atanga Section 60, The Mizoram (Containment & Prevention of COVID-19) Ordinance, 2020 leh IPC Section 188 hmanga hrem theih an ni

Sawrkarin heng thuchhuah a siamte hi a tul dan azirin a ennawnin a tidanglam thel ang

STANDARD OPERATING PROCEDURE FOR SOCIAL DISTANCING 

            'Social Distancing' hi mi zinga kan awma inhlat tawk taka awm, 'Physical Distancing' a ni ber a. Chu chuan hnathawhna leh veivah velna zawng zawngah midang nena inhlat tha tawk taka awm hi a kawk a ni. COVID-I9 hri kai theihna - taksa insik, khuh, hahchhiau, chil per leng vel, etc atanga kan him theih nan midang nen meter hnih tala inhlata awm a tul. Lockdown zawh hnu pawhin fimkhur zui a la ngaih viau avangin social distancing hi la hman zui zel a tul em em a ni.

Sawrkar, pawl leh mimal office hrang hrang, sumdawnna leh thil siamna hmun, in leh lo dinna hmanraw lakna hmun hrang hrangte leh ei leh in zawrhna hmuna inkaihhruaina chu a hnuaia tarlan ang hi a ni.

1. SAWRKAR OFFICE, PAWL LEH MIMAL OFFICE TE:

a)  Head of Department/Head of Office ten khauh takin pisa chhungah social distancing an kalpui tur a ni. Midang nena indawrin hmai tuamna hman ngei tur a ni.

b) Head of Department/Head of Office tin te chu office vawn fai leh tih thianghlim kawngah mawhphurtu an ni ang a, office chhungah kut silna hmanrua (tui, sahbawn/handwash) an buatsaih ngei ngei tur a ni. Tin, office gate/kawtkaiah kut silna tur emaw hand sanitizer emaw an dah ang a, office building lut tur reng rengin kut an sil vek tur a ni.

c)  Office chhungah phalna la hmasa lovin pawnlam mi dawrtu luh tir loh tur a ni.

d) Head of Department/Head of Office ten an office-a lirthei leh bungrua, pawn lam atanga lo lut te chu tih thianghlim (sanitize/disinfect) dan tur an phak tawkin an ruahman ang.

e)  Office building leh a chhehvel, a hnuaia tarlan te hi uluk takin tih thianghlim (disinfect) thin tur a ni ang:

i)  Office luhka, office kawt leh chhehvel, office building

ii)  Office canteen

iii) Meeting room, conference hall, verandah, etc.

iv) Bathroom leh inthiarna (Toilet)

v) Office building bang, step leh step vawnban te.

f) Office bus leh sawrkar lirthei, staff te office kalna atana ruahmanah, registration certificate a seat awm zat chiah passenger phurh tur a ni ang. Driver leh a phurh ten hmai tuamna an hmang vek tur a ni.

g) Office hnathawk, damlohna nei sa emaw hrisel lohna bik nei leh nau paite, office kal thei lo te chu chawlh (Commuted Leave) pek an ni ang.

h) Tul bikah lo chuan meeting neih loh tur a ni. A huhova inrawn/sawiho ngai thil a awm anih chuan a theih chin chinah video conferencing leh online mode dangte hman tangkai hram tur a ni.

i) Department emaw office dangte nena indawr tulna thilah chuan email emaw electronic media dang hman hram tum tur a ni.

j)  Bill e.g. electric, tui, phone bill, etc. pekna hmunah te tum khata mi an pun khawm teuh loh nan ruahmanna fel takin siam tur a ni. Online-a bill pek uar ni se.

k) Mipuiin Sawrkar Department-te ral khat atanga an dawr theihna'n Department tinin Information Technology an hmang tangkai tur a ni. Hemi atan hian a tul angin ICT Department-in hma a la ang.

l) Hnathawktute chu chhunah office canteen-a chawl rual vek lova, a inchhawka an chawlh/ei dan tur ruahmanna siam bawk tur a ni.

m) Sawrkar leh mimal Office-a thawkte hi Aarogya Setu-ah in register vek turin Head of Office ten an hrilh hre tur a ni.

2. BAZAR, DAWR LEH SUMDAWNNA HMUN TE:

a) Bazar, dawr leh hmundanga kal tur reng reng chuan (face mask emaw hmanraw dang hmangin) hmai an tuam ngei ngei tur a ni.

b) Mi 3 aia tamin dawr pakhat an nghak tur a ni lova, wholesale dawr te leh dawr lian (Departmental Store) ah te erawh chuan mamawh dan azirin godown/store lamah thwktu nen mi paruk (6) thleng chhawr theih a ni ang a, a zat chiah erawh  chu dawr awmna vanga VLTF ten an bituk ang.

c) Dawr nghaktu ten face mask an hmang reng tur a ni. Faina, a bik takin kut sil fai, an uar tur a ni.

d) Dawr neitute'n (dawrtu te inhlat taka an awm theih nan) dawrtu turte dinna tur, meter hnih kar danah an rin lawk tur ani. Dawr chhungah pawh meter hnih a inhlatin an awm tur an ni.

e)  Thlai leh chawhmeh dang zuar ten an thil zawrh te fai takin an enkawl tur a ni a, thil zuar reng rengin hmai an tuam ngei tur a ni.

f) Thlai, thei leh sa zawrhna, VLTF/LLTF te'n an ruahmanna-ah mipui an inhnaihchilh loh nan mipui dinna tur meter hnih danah an rin tur a ni. A tul angin bazar hmun bik kher ni lo school kawt zawl, inkhelhna field tual leh hmun remchang dang te pawh a tul anga ruahmanna siam a ni ang.

3. HNATHAWHNA HMUN DANGAH (CONSTRUCTION, MANUFACTURTNG,   SERVICES & LOGISTICS)

a. Hnathawhna hmun chu fai takin vawn tur a ni. Hnathawktute inthiarna leh insilfaina tur ruahman ngei tur a ni. Hemi atan hian a neitu/chhawrtu te theuhin mawhphurhna an la ang.

b. Hnathawhna hmunah te hian kum lama upa, damlohna nei sa emaw hrisel lohna bik nei te leh nau paite chu chhawr loh tur a ni.

c. Hnathawhna hmunah te hian tum khatah mi panga aia tam thawh loh hram ni se. Tul bik thila mi panga aia tam thawh a tul a nih pawhin inhlat taka awmin hna thawh tur a ni.

d. Loneitu leh huan neitute, ran vulhtute, sangha dil neitute leh a thawktute pawh an hnathawhna hmunah theuh midang nena inhlat thei ang ber zelin hna thawh tur a ni ang.

e. Puanthuina, lumehna, pheikhawk chhe siamna, etc. ah te mi panga aia tam awm phal a ni lo. A dawr neitu-in ruahmanna a siam ang.

f. Bungraw load leh unload chungchangah bungraw phurtu driver leh handyman te'n hnathawktute an tawk tur a ni lova, unloading pawh hnathawhna hmuna worker te'n an ti fel tur a ni. 

g. A theih chin chinah hnathawktue hian Aarogya Setu app ah an in register tur a ni.