No.365/2021-2022

Dated Khawzawl, the 2nd May, 2021: Pu Zothanmawia, Deputy Commissioner & Chairman, District Level Task Force on Covid-19, Khawzawl District chuan Mizoram Sawrkar, Disaster Management & Rehabilitation Department order No.B.13021/101/2020-DMR/Vol-IV dated 01.05.2021 bawhzuinan leh, Khawzawl DC office order No.J 12019/17/2021-DC(KZL)/VOL-X dated 26.04.2021 chhunzawm nan, Covid-19 hrileng laka mipuite an him theihna turin a hnuaia inkaihhruaina tarlante hi Khawzawl District headquarters chhungah, 03.05.2021 zing dar 4:00 atanga 11.05.2021 zing dar 4:00 thlenga zawm ngei ngei turin vawiin khan hriattirna a chhuah.

I. Mipui vantlang tana inkhuahkhirhna hriat turte:
1. Phalna nei lovin tumahin mahni in/compound an chhuahsan tur a ni lo a,
building khata in hrang hrang luahte pawh intlawhpawh loh tur a ni. Tul bik thil vanga chhuah ngaite chuan an awmna VLTF te phalna an la hmasa tur a ni. Hei hian lo lama hnathawka chhuak turte pawh a huam ang.
2. Loh theih loh thilah lo chuan zin veivah loh tur a ni. Zin veivak, Khawzawl-a lut leh Khawzawl atanga chhuak turte chuan an chhuah tanna veng/khua VLTF/LLTF te lehkha an nei ngei tur a ni a, chu lehkhaah chuan an kal tanna (origin) leh zinna/kalna tur hmun (destination), ni leh darkarte a chuang tur a ni. Hei hian state pawn atanga bungraw lalutte leh essential commodities phurte veivahna a huam lo ang.
3. Lirthei hmanga veivah khap tlat a ni a. Hei hian point lV a inkhuahkhirhnain a huam loh tarlante chu a huam tel lo ang.
4. Pawn chhuak tur reng reng chuan face mask leh hmanraw dang hmangin hmai an tuam ngei ngei tur a ni.
5. Vantlang hmuna kalte chu feet 6 tala inhlata awm tur a ni.
6. Chhungkua/mimal eizawnna kaihhnawih ni lo a huhova lui kal, ramhnuaia picnic/ intihhlim, hiking leh adventure sports-te khap a ni. He khapna thupek zawm lote chu, 'The Mizoram (Containment & Prevention of the spread of COVID-19) Act, 2020' hmangin hrem an ni ang (Hemi point bik hi Khawzawl District pumpuiah hman tur a ni).

II. Zirna in, Sakhaw Biakna hmun leh mipui punkhawmna hmunte:

1. Mizoram sawrkar, DM&R Department order angin Public park, picnic spot, movie theatre, gym, community hall, restaurant, shopping complex, mall leh intawllenna hmun zawng zawng chu khar tur a ni. Mualvawm Park leh Khawzawl Town area-a intawllenna hmun dangte chu inkhuahkhirhna hman chhung hian tlawh phal a ni lo.
2. Zirna in te chu khar tur a ni a, Board Exam, All India level Exam, recruitment exam adt. te chu phalna hranpa pekte chauh kalpui theih a ni ang. Hengahte hian exam huaihawttu ten SOP khauh takin an kengkawh tur a ni.
3. Sakhaw biakna hmunte chu khar vek tur a ni. Hei hian zing tawngtai inkhawm pawh a huam ang.
4. Chhiatni/thatniah mi 30 (sawmthum) aia tam punkhawm phal a ni lo a, heng punkhawmnaah hian ei leh in sem/siam phal a ni lo. Hemi chungchang hi VLTF ten an lo kengkawh ang.
5. Mipui punkhawmna heng - birthday leh anniversary lawmna, games & sports, book release, lungphun leh intihhlimna ang chi reng rengte chu inkhuahkhirhna hman hunchhung hian huaihawt phal a ni lo. Hall
chhung leh pawna badminton leh infiamna dang khelhte pawh phal loh a ni.

III. Dawr leh hnathawhna hmun chungchang:
1. A hnuai amite hi VLTF te hriatpuina leh SOP zawm chungin Thawhtanni, Nilaini leh Zirtawpni-ahte hawn theih a ni ang. Heng ni
bakah hi chuan hawn phal a ni lo.
i) Nitin mamawh leh eichawp, thlai leh thei, sa leh sangha zawrhna.
ii) Thlai chi, lei tha, ran chaw leh hmanraw dawr.
iii) Essential courier service, e-commerce leh home delivery service.
iv) Bungraw phur motor mamawh, oil leh spare parts zawrhna dawr leh loh theih loh thila hawn ngai hetiang motor siamna bik workshop/puncture works.
v) Cold storage leh warehousing (bungraw chhek khawina godown) service. Hei hian khawpui chhunga bungraw sem kual leh khaw danga bungraw thawn kualte a huam ang.
vi) Hmasawnna hna peng hrang hrang thawhna atana bungraw mamawh - steel, cement, brick, balu, insakna bungrua ilo zawrhna dawr. Bazar leh chawhmeh zawrhna chungchang (Point no. II a tarlan angin).
2. Mi panga aia tam lo thawhna - carpentry workshop, steel fabrication workshop, bakery, tailoring, weaving leh hetiang lam thil thawhna hmunahte chuan VLTF/LLTF te hriatpuinain hna thawh phal a ni.
3. Hmunkhata mipui pungkhawm tur vennan bazarpuia thlai leh thil dang zawrh chu khap a ni. Chutihrualin, mipui mimirin awlsam taka thlai leh chawhmeh an hmuh theih nan veng hrang hrangah leh hmun tam zawkah chawhmeh lei theihna tur LLTF/VLTF ten ruahmanna an siam ang.
4. He order leh Mizoram sawrkar, DM&R Department order No.B.13021/101/2020-DMR/Vol-IV dated 01.05.2021 in a tarlan loh, Covid-19 hrileng dona kawnga hmalak ngaihnaahte chuan Deputy Commissioner, Zonal Officer leh Executive Duty-te nen inrawn chungin
VLTF ten ruahmanna an siam thin ang.

IV. Inkhuahkhirhnain a huam lohte:

1. Places/Vehicles (Hmun/lirthei):
i) Hospital, nursing home, clinic, laboratory, OST centre, ART centre, blood bank leh damdawi dawr.
ii) Veterinary hospital, dispensary, clinic, zoo, hatchery leh vaccination.
iii) Bank, non-banking financial institutions, insurance, ATM leh post office.
iv) Petrol/Diesel filling station leh LPG storehouse.
v) Fair Price Shop/ ration dawr.
vi) COVID-19 duty te hman taxi leh rental motor.

2. Services (Hna):
i) COVID-19 vaccination leh immunization
programme dangte, ambulance service.
ii) Animal disease control programme.
iii) Postal service, blood donation camp/service.
iv) Kohhran hna tul zual thawk tura Kohhran office kal leh kohhran hotute programme pawimawh bik.
v) Nau pai, nausen pawmlai leh naupangte hnena nutrition (chaw tha) sem.
vi) Bawnghnute sem leh lakkhawm.
vii) Power & electricity, water supply (mimal tui chawi te huamin), sanitation & solid waste management (hmunphiat leh bawlhhlawh paihte huamin), telecommunication, internet service, broadcasting leh cable service.
viii) MGNREGS, MPLADS leh MLALADS hnuaia hnathawh.
ix) Print & electronic media leh chanchinbu sem.
x) Bungraw load leh unload hna.
xi) Private security service.
xii) Medical emergency leh chhiat tawh thila awmna veng VLTF/LLTF te hriatpuina lehkha nena chhuah.
xiii)Sawrkar hnathawk, an thawhna office hotu (Head of Office) ten hnathawk tura an ruatna detailment order neite.
xiv) Hmasawn nana hnathawh tul - retaining wall/ drain/ kawng siam, building sak, kawng laih, leidawhte leh chutiang kawnga hmalaknate chu thawh chhunzawm phal a ni. Heng hna te hi ram chhunga awm sa labour-te chauh ruai a thawh tur a ni.
xv) Lo/huana kal/feh tur, VLTF/LLTF te phalna lehkha emaw an kalna tur lo/huan an nei ngei a ni tih lantirna document (LSC,
periodic patta, adt.) kengte (Loneitu leh huan neitute, ran vulhtute, sangha dil neitute leh a thawktute chu phalna hranpa lak
ngai lovin an hna thawh phalsak an ni a, lo/huana hna thawk tura ram riah pawh phal a ni. Hmun khata mi 5 (panga) aia tam
awmkhawm erawh chu khap a ni).
xvi) Electrician, plumber, mechanic, thing leh cement mistiri leh helper-te chu an hna thawhna VLTF te hriatpuinain thawh phalsak an ni.
xvii) Quarry a lung lak, block/brick siam, rawra her leh chhut leh thingzai khawl (saw mill) a thing zai theih a ni.

Heng khuahkhirhnate hi khauh taka kengkawh turin veng tina VLTF te bakah Zone hrang hranga Covid-19 Zonal Officer leh Executive Duty Team-te hriattir an ni.