No.280/2021-2022
Dated Khawzawl, the 26th April, 2021: Mizoram Sawrkar, Disaster Management & Rehabilitation Department order No.B.13021/101/2020-DMR/Vol-
I. Mipui vantlang tana inkhuahkhirhna hriat turte:
1. Phalna nei lovin tumahin mahni in compound an chhuahsan tur a ni lo. Tul bik thil vanga chhuah ngaite chuan an awmna VLTF te phalna an la hmasa tur a ni. Hei hian point V a inkhuahkhirhna in a huam loh tarlante chu a huam tel lo ang.
2. Zin veivak, Khawzawl-a lut leh Khawzawl atanga chhuak turte chuan an chhuah tanna veng/khua VLTF/LLTF te lehkha an nei ang a, chu lehkhaah chuan an kal tanna (origin) leh zinna/kalna tur hmun (destination), ni leh darkar te a chuang tur a ni.
3. Lirthei hmanga veivah khap tlat a ni a. Hei hian point V a inkhuahkhirhnain a huam loh tarlante chu a huam tel lo ang.
4. Lo lam leh khawchhunga hnathawka chhuak turte chu zing dar 9:00 hmain chhuah fel vek tur a ni.
5. Pawn chhuak tur reng reng chuan face mask leh hmanraw dang hmangin hmai an tuam ngei ngei tur a ni.
6. Vantlang hmuna kal te chu feet 6 tala inhlata awm tur a ni.
7. Village Level Task Force (VLTF) ten an huamchhunga dawr hawn an remtihsakte bak chu dawr hawn phal a ni lo. Phalna neia dawr hawnte pawh tlai dar 5:00 ah khar vek tur a ni.
II. Bazar leh chawhmeh zawrhna chungchang:
Hmunkhata mipui pungkhawm tur venna'n bazar-a thlai leh thildang zawrh chu khap a ni. Chutihrualin, mipui mimirin awlsam taka thlai leh chawhmeh an hmuh theih nan veng hrang hrangah leh hmun tam zawk ah chawhmeh lei theihna tur VLTF ten ruahmanna an siam ang.
III. Zirna in, Sakhaw Biakna hmun leh mipui punkhawmna hmunte:
1. Mizoram sawrkar, DM&R Department order angin Public park, picnic spot, movie theatre, gym, community hall, restaurant, shopping complex, mall leh intawllenna hmun zawng zawng chu khar tur a ni. Mualvawm Park leh Khawzawl Town area-a intawllenna hmun dangte chu tlawh phal a ni
lo.
2. Zirna in te chu khar tur a ni a, Board Exam, All India Level Exam leh recruitment exam kal lai mek te erawh chu SOP tha taka zawm chunga phalsak an ni.
3. Sakhaw biakna hmun te chu khar vek tur a ni. Hei hian zing tawngtai inkhawm pawh a huam ang.
4. Chhiatni/ thatni ah mi 30 (sawmthum) aia tam punkhawm phal a ni lo a, heng punkhawmnaah hian ei leh in sem/siam phal a ni lo. Hemi chungchang hi VLTF ten an lo kengkawh ang.
5. Mipui punkhawmna heng - birthday leh anniversary lawmna, games & sports, book release, lungphun leh intihhlimna ang chi reng reng te chu huaihawt phal a ni lo. Hall chhung leh pawna badminton leh infiamna
dang khelhho te pawh phal loh a ni.
IV. VLTF te mawhphurhna:
A hnuai a tarlante hi VLTF te remruatna-in kalpui theih a ni ang:
1. Nitin mamawh leh eichawp, thlai leh thei, pangpar, sa leh sangha zawrhna.
2. Bungraw phur motor mamawh, oil leh spare parts zawrhna dawr leh loh theih loh thila hawn ngai hetiang motor siamna bik workshop/ puncture works hawn.
3. Cold storage leh warehousing (bungraw chhek khawlna godown) service.
Hei hian khawpui chhunga bungraw sem kual leh khaw danga bungraw thawn kualte a huam ang.
4. Data leh call centre.
5. Hmasawnna hna peng hrang hrang thawhna atana bungraw mamawh - steel, cement, brick, balu, insakna bungrua ilo zawrhna dawr.
6. Mi panga aia tam lo thawhna - carpentry workshop, steel fabrication workshop, bakery, tailoring, weaving leh hetiang lam thil thawhna.
7. Bazar leh chawhmeh zawrhna chungchang (Point no. II a tarlan angin)
8. Chhiatni/ thatni ah Covid-19 chungchanga inkaihhruaina zawm a nih leh nih loh enfiah.
9. He order leh Mizoram sawrkar, DM&R Department order No.B.13021/101/2020-DMR/Vol-I dated 24.04.2021 in a tarlan loh,Covid-19 hrileng dona kawnga hmalak ngaihnaah te chuan Zonal Officer leh Deputy Commissioner te nen inrawn chungin ruahmanna an siam thin
ang.
V. Inkhuahkhirhnain a huam lohte:
1. Hospital, nursing home, clinic, laboratory, OST centre, ART centre, blood bank leh damdawi dawr.
2. COVID-19 vaccination leh immunization programme dangte, ambulance service.
3. Veterinary hospital, dispensary, clinic, zoo, hatchery leh vaccination.
4. Agriculture, horticulture, sericulture, animal husbandry leh fisheries hna leh a kaihhnawih.
5. Thlai chi, leitha, ranchaw leh hmanraw dawr.
6. Bank, insurance, ATM leh post office.
7. Postal service, blood donation camp/ service.
8. Kohhran office kal leh kohhran hotu te programme pawimawh.
9. Power & electricity, water supply (mimal tui chawi te huamin), sanitation & solid waste management (hmunphiat leh bawlhhlawh paih te huamin),
telecommunication, internet service, broadcasting leh cable service.
10. Petrol/Diesel filling station, LPG storehouse.
11. Fair Price Shop/ ration dawr.
12. Nau pai, nausen pawmlai leh naupangte hnena nutrition (chaw tha) sem.
13. Bawnghnute sem leh lakkhawm.
14. MGNREGS, MPLADS leh MLALADS hnuaia hnathawh.
15. Print leh electronic media, leh chanchinbu sem.
16. Bungraw load leh unload hna.
17. Private security service.
18. Courier service, e-Commerce leh home delivery service.
19. COVID-19 duty te hman taxi leh rental motor-te.
20. Medical emergency lehchhiat tawh thila awmna veng VLTF/LLTF te hriatpuina lehkha nena chhuah.
21. VLTF lehkha neia zin veivakte
22. Sawrkar office heng Health & Family Welfare Department, Police, Home Guards, Civil Defense, Fire & Emergency Services, Disaster Management, District Administration, Civil Aviation, Prisons, Excise & Narcotics, Forest Field Works, PHE, I&PR, P&E, District Office leh field office danga thawkte.
23. Central Government Office leh Organization.
24. Hmasawn nana hnathawh tul - retaining wall/ drain/ kawng siam, building sak, kawng laih, leidawh te leh chutiang kawnga hmalaknate chu thawh chhunzawm phal a ni. Heng hna te hi ram chhunga awm sa
labour te chauh ruai a thawh tur a ni.
25. Lo neitu leh huan neitu te, ran vulhtu te, sangha dil neitu te leh a thawktute chu he inkhuahkhirhna hian a huam lo ang. Mahse hmun khata mi 5 (panga) aia tam awmkhawm erawh chu khap a ni.
26. Electrician, plumber, mechanic, thing leh cement mistiri leh helper-te chu an hnathawhna VLTF te hriatpuina in thawh phalsak an ni.
27. Quarry a lung lak, block/brick siam, rawra her leh chhut leh thingzai khawl (saw mill) a thingzai theih a ni.
Heng khuahkhirhnate hian May ni 3, 2021 zing dar 4:00 thleng a huam ang.
Heng khuahkhirhnate hi khauh taka kengkawh turin veng tina VLTF te
bakah Zone hrang hranga Covid-19 Executive Duty Team-te hriattir an ni.
