No.6661/2020-2021

Dated Kolasib: The 25th November, 2020: Dr. H.Lalthlangliana, Deputy Commissioner Kolasib District chuan COVID-19 avanga naupang khung hran te rilru leh ngaihtuahna lam venpuina tur a hnuai ami ang hian mipuite hnenah hriattirna a siam.

COVID-19 avanga naupang khung hran (Quarantine Facility leh Covid Care Centre-a awmte) te hian an thanlen zelna tur kawng hrang hrangah harsatna an tawk nasa thin hle a. A bik takin an rilru ngaihtuahna lam venpui an ngai nasa leh zual bik a.

Hemi atan hian The National Commission for the Protection of Child Rights (NCPCR) leh India Co-win Action Network (I-CAN)-te tangrual chuan COVID-19 avanga khung hran, naupang ten an mamawh hun apianga an biak theih turin SAMVEDNA kaltlangin toll free (a thlawn a biak theih) siam a ni. Heng toll free number kaltlang hian Naupangte rilru lam a kaihruai thiam bik, Councellor leh Psychologist thiam tak tak te zing dar 10:00 A.M. to 1:00 P.M., Thawhtanni atanga  Inrinni chhungin an biak theih reng a ni.

Toll free No:  18001212830