3504/2022-2023

Kolasib: Dated the 7^th February, 2023: Kangmei laka Kolasib District mipuite kan fimkhur theih nan a hnuaia mi ang hian Deputy Commissioner, Kolasib chuan thuchhuah a siam.

Tunlai hian khua a ro in hmun hrang hrangah kangmei chhuah hun a lo ni leh ta a. Mipui te kan fimkhur a tul hun lai tak a ni a, chenna In leh huan lo ram ven uluk hunlai tak a ni bawk. Kan fimkhur loh avanga chhiatna rapthlak a thlen theih hunlai tak anih avangin Kolasib District huam chhungah mitin te kan fimkhur tlan theihna turin hetiang in hriattirna chhuah a ni.

1. Mi tupawhin eirawngbawlna thuk Gas leh Stove hmang kan ni emaw, electric current hmang chi kan ni emaw, mei thuk hmang kan ni emaw pawh nise hman zawh veleh uluk taka tih chimih fel hlap tur a ni. Naupang lekah fimkhur leh zual tur a ni ang. Kut hlei loh tur a ni.

2. Ram kal mite leh huan lo ram lama kal thin te chuan kan meizial bung emaw, meichhemna emaw, bawlhhlawh halna emaw pawh nise la, uluk taka tihhlum a tih chimih fel thlap zel tur a ni. Heng kan fimkhur loh avanga mi huan thlai leh thlam kang, sum tamtak senga an sak te tihchhiatsak an nih chuan a mawhphurtu apiang te chu na taka hrem an ni ang.

3. Kan District huam chhungah VC leh YMA tin ten Forest Department te nen tang kawpin mahni area theuh kangmei laka venhim na lungrual taka thawh tlan ni se, kàngmei laka ram venghim tha ber District kan nih theihna turin uluk taka mipuite hnena puangzar tur leh venhim kawnga thahnem ngai zawka hma la turin kan in sawm in kan in ngen tak meuh a ni.