Mizoram district hrang hrang D.C. ten vawiin khan New Land Use Policy (NLUP) chungchang zirhona hun Agriculture Committee Room, Aizawl-ah an hmang a. NLUP Implementing Board Secretary Pu Zorammuana MCS chu Chairman niin NLUP Implementing Board Chairman Pu R.Selthuama MLA in hawnna thu a sawi a, NLUP Implementing Board Vice Chairman, Pu P.L. Thanga IAS (Rtd.) in paper a present a ni.
Pu PL Thanga chuan sorkar thar-in NLUP a bawhzui dan atir te atangin chipchiar takin a sawi a, NLUP ruahmanna leh thil tum hrang hrang te a hrilhfiah. NLUP hi hlawhtling taka kalpui theih a nih chuan tlangram lo neih aiin a let 7 - 10 a hlawk zawk tura ngaih a ni a, Mizoram economy pawh 16% laiin a chawi kan theih beisei a ni tih a tarlang bawk a ni. NLUP hlawhtling taka kalpui a nih theih nana Line department hrang hrangte chanpual leh Action Point level hrang hrang - State level, District level, Village level - leh D.C. te pawimawhna te tarlangin a hrilhfiah a, sawihona hun a hmanpui bawk.
NLUP Baseline Survey hi NGO ten buaipui in September 2009 khan zawh a ni tawh a. NLUP Apex Board chuan he Survey report hi DC te kaltlangin mipui hmuh theihin a tarlang dawn a. Rawtna leh sawiselna nei tan 31 May 2010 thleng hun hawn a ni ang a; rawtna leh sawiselna te chu 1 - 20 June 2010 chhungin enfiah a ni ang a. 21 June 2010 ah NLUP Implementing Board ah Final report theh luh a ni ang a, report chu pawm a nih hunah 9 July 2010 ah notification tih chhuah a ni dawn a ni.
NLUP Baseline Survey hi NGO ten buaipui in September 2009 khan zawh a ni tawh a. NLUP Apex Board chuan he Survey report hi DC te kaltlangin mipui hmuh theihin a tarlang dawn a. Rawtna leh sawiselna nei tan 31 May 2010 thleng hun hawn a ni ang a; rawtna leh sawiselna te chu 1 - 20 June 2010 chhungin enfiah a ni ang a. 21 June 2010 ah NLUP Implementing Board ah Final report theh luh a ni ang a, report chu pawm a nih hunah 9 July 2010 ah notification tih chhuah a ni dawn a ni.
