North East leh Sikkim huam chhunga All India Radio Station hotute inhmuhkhawmna Zonal Programme Co-ordination Committee (ZPCC) meeting chu vawiin khan Aizawl-a I & PR Conference hall-ah tan a ni.
He thutkhawmna ah hian a thlengtu, Aizawl AIR Station a Director Pu Lalchungnunga Sailo chuan Station hrang hranga hotu 30 chuang lokal te lawmna a neih hnuah, he hun nihnih awh tur thutkhawmna hi Prasar Bharati DDG (NER-I) Ms. V.Sekhose-in a hawng a ni. Hawnna thu sawiin Ms. V.Sekhose chuan AIR Station hrang hrang ten ram pum huapa hnathawktu indaihlohna avanga harsatna an tawh mek chunga North East station ten hlawhtling taka Programme an kalpui zel thei chu lawmmawm a tih thu sawiin he harsatna hi hun reilo teah chinfel thuai a ni dawn a ni a ti. AIR chu mipui ten an hlut chhunzawm zel avangin mipui rawngbawlna kawngah programme tha zawk siam tura hmalak zel tha a tih thu sawiin tun dinhmunah station hrang hrang ten sum lak luh zat tur bituk an khum zel thin chu lawmmawm a tih thu a sawi bawk.
Mizoram bialtu DDG (NER-II) Pu C. Lalrosanga pawhin thu sawiin, Station hrang hranga harsatna te a tarlanga, AIR ten hnathawktu leh sum indaihlohna karah thiam zawka sum hman a tul thu leh Station thenkhat transmitting power hniam avanga harsatna an tawh mek leh technical thila siam that ngai awm mek chu sutkian anih theih nan hmalak mek anih thu a sawi a ni.
He hunah hian North East huam chhunga Station hrang hranga harsatna tawh mek leh a chinfel dan turte, Programme tha zawka kalpui dan leh changtlung zawk siam dan tur te, FM Station hrang hrang tihchangtlun dan tur bakah hnathawktu in daih lo ti ziaawm tur siamrem dan tur te sawiho a ni a, naktuk hian meeting hi chhunzawm leh a ni dawn a ni.
Mizoram bialtu DDG (NER-II) Pu C. Lalrosanga pawhin thu sawiin, Station hrang hranga harsatna te a tarlanga, AIR ten hnathawktu leh sum indaihlohna karah thiam zawka sum hman a tul thu leh Station thenkhat transmitting power hniam avanga harsatna an tawh mek leh technical thila siam that ngai awm mek chu sutkian anih theih nan hmalak mek anih thu a sawi a ni.
He hunah hian North East huam chhunga Station hrang hranga harsatna tawh mek leh a chinfel dan turte, Programme tha zawka kalpui dan leh changtlung zawk siam dan tur te, FM Station hrang hrang tihchangtlun dan tur bakah hnathawktu in daih lo ti ziaawm tur siamrem dan tur te sawiho a ni a, naktuk hian meeting hi chhunzawm leh a ni dawn a ni.
