1964/2024-2025
Dated Lawngtlai, the 9th September 2024 : Lawngtlai District chhunga Ngengpui Wildlife Sanctuary - atanga Sai chhuak chungchangah Deputy Conservator of Forest, Chhimtuipui Wildlife Divisison, chuan a hnuaia mi ang hian thuchhuah a siam.
Ngengpui Wildlife sanctuary a cheng ram Sai (wild elephant) chu sanctuary chhevel khaw hnaihah a chhuak tih hriat a ni a. He Sai hi tun dinhmunah Mampui leh Khawmawi khaw chhehvelah a che tla mek a, Lawngtlai atanga South Bungtlang inkara khaw awmte, a bik takin khualzin leh lo nei mite fimkhur tur leh chhawnchhaih/ti na lo turin kan in hriat tir e. Sai hi kan hmu emaw a awmna chin kan hria anih chuan mahni khua theuha Wildlife Guard-te a rang lama hriattir zel turin kan in ngen a ni.
Sai hi 'The Wildlife Protection Act, 1972' in Schedule-I hnuaiah dahin, chhawnchhaih, tawktarh, tur a hrai, tih nat emaw tih hlum a khap a, he dan hi bawhchhiat a nih chuan, pawisa cheng 25,000 aia tlem lo leh lung in a lo berah kum -3 atanga kum- 7 thleng tan theih a ni.
Ngengpui Wildlife sanctuary chheh vela khaw awmte he sai lakah hian ngilneihna lantir tur leh in dawhtheihna leh thawhpuina kan ngen a ni.
(Dr. R.Lalruatfela)
Deputy Conservator of Forests
Chhimtuipui Wildlife Division
Lawngtlai, Mizoram
