1965/2024-2025

Dated: Mamit the 9th of September, 2024: Vawiin chawhma khan Fish Farmers Training cum Financial Literacy Campaign chu Chhim Veng YMA Hall, Mamit-ah neih a ni a, Pu Jacob Lalawmpuia, District Bawrhsap chu Khuallian niin hun a hmanpui. 

He hunah hian Bawrhsap chuan vawiina lo kal kut hnathawk tute chu tanpuina dawng tur ringawt a lo kal ni loin traning pawimawh tak nei tel tur a lo kal an ni tih hre reng a, rilru pe leh hlawkthlak taka hun hmang turin duhsakna a hlan a. Mamit district chu Fisheries lamah district dang aiin theihna kan nei tha zawk a, Mizoram dawm kang tur a key player pawimawh ber chu vawiin lo kal khawmte chu in ni a, theihtawp chhuaha Mamit lo thana hma a sawn zel nan thahnem ngai taka thawk turin Bawrhsap chuan a chah a. 

Pu Jacob Lalawmpuia chuan hamthatna dawngtute chuan an dawnte chu dik taka hmang tur leh a luanna tur taka luan chhuah tir turin a chah a. Bawrhsap chuan tunah chuan sawrkarin pemhlem awm loin tanpuina pawh Direct Benefit Transfer (DBT) in a dawngtu turte bank account-ah a lut tawh a, he sawrkarin min rinna hi rintlak taka hmang a, hma lo lak hi kan tih tur a ni a ti a, thahnem ngai taka thawkte chu kan ensan dawn lo a, a tul ang zel a hma lak a nih tur thu a sawi bawk. 

Vawiin hunah hian Pu PC Lalnunpuia, Lead Bank District Manager, Mamit chuan Financial Literacy campaign chu a kaihruai a, kut hnathawktuten sawrkar atanga hamthatna an dawn theih hrang hrang te hrilhfiahin tun hnaia phone kaltlanga inbumna (scam) laka an inven theih dan te a sawi bawk. Tin, mi 15 hnenah PMMSY hnuaia sangha dil siam dilte hnenah signboard sem chhuahna hun neih a ni bawk. Vawiin hun hi District Fisheries Development Office, Mamit leh Lead Bank Office, Mamit tang kawpin an buatsaih a ni. 

Pradhan Mantri Matsya Sampada Yojana (PMMSY) hi kum 2020 khan Sawrkar laipui hmalakna a bul lo tan a ni a. He scheme in a tum ber chu sangha(fisheries) lama huapzo hmasawnna thlen hi a ni a, khua leh tui tichhe lova, inremchem taka hmaswawnna kalpui a ni.