November ni 9 - 10, 2018 khan Pu Sudeep Jain, IAS, Dy.Election Commissioner  chuan Aizawl leh Champhai tlawhin Inthlanpui kan hmachhawn meka inbuatsaihna kal mek te a hmunah a enfiah. Mizoram bikah vote thlak ni hi 28.11.2018 niin candidate 212 ten nomination an thehlut fel tawh a. Candidate te hi INC, MNF, BJP,NCP, NPP, PRISM Party leh Independent angin an file a ni. DY. EC hian Aizawl leh Champhai DEO leh SP te nen ngun takin inthlan felfai leh muanawm neihna tura hmalakna an thlir hova. Vote chhiar chhung rei thin ni a sawi chu DY. EC hian ngai pawimawhin DEO ten'n Counting Plan an lo siam chu a thlir pui a, siam danglam leh tihdanglam ngai te chu rang taka ti turin a hriattir. Counting Centre leh Strong Room thenkhat Aizawl leh Champhai-ah a tlawh bawk a ni. Champhai-ah CAPF dahna hmunte a enpui a, Assured Minimum Facilities te a endik bawk a. DY. EC hi Aizawl leh Champhai-ah hian CEO Office a Officers te, DEO pahnih te, RO/ARO, Observer etc. ten an tawiawm a. Pu SB Joshi, Secretary, ECI in a telpui bawk a ni.

Ni 10.11.2018 hian New Delhi panin Aizawl a chhuahsan a ni.