Vawiin chawhma khan Assembly Session, 2018 chu Speaker Pu Lalrinliana Sailo chuan kaihruaiin, ram hruaitu sunna hun neih a ni a. Sunna hunah hian House Leader Pu Zoramthanga chuan Pu Atal Bihari Vajpaypee, Pu Chawngzuala leh Pu S.Laldingliana te chanchin chhiar chhuahna a nei a. Sunna entirnan MLA zawng zawng te, minute khat chhung dingin hun an hmang a ni.

Lunglei East Bialtu MLA, Pu Lawmawma Tochhawng chuan Deputy Speaker atan Pu Er. Lalrinawma, Tuikum Bialtu MLA chu nominate in, Pu L.Thangmawia, Lengteng Bialtu MLA chuan a thlawp a, House in a pawmpui angin, Speaker chuan Pu Er. Lalrinawma chu Deputy Speaker atan a puang a ni.

Lunglei North Bialtu MLA, Dr. Vanlaltanpuia chuan Motion of Thanks sawiin, Address of the Governor hi sawi ho a ni bawk a ni.