3053/2022-2023

Dated Serchhip, the 14th December, 2022:  Vawiin khan Er. Lalrinawma, Tuikum bialtu MLA leh Deputy Speaker ni bawk chuan a bial chhung Khawbel khuaa MLA fund hmanga siam Volleyball Court thar a hawng a,  R & L Volleyball tournament hawnna a nei nghal bawk.

A hawnna inkhawmah Er. Lalrinawma chuan, Khawbel Volleyball court  hawnnaa khualliana an sawm avangin lawmthu a sawi a . Tunlaiah infiamna huang hrang hrangte chu eizawnna a tling deuh vek tawh a, hetiang lama theihna nei leh tuina neite tan kawng zau takin a inhawng a ni. Infiamna lama theihna neite zawn chhuahna buatsaih uar pawh a pawimawh hle a, vawiinah chutiang hun tha buatsaih a ni hi hlu hle a ni. Tin, infiamna hian taksa leh rilru hriselna a ken tel avangin eizawn nan em lan thiam ta lo a nih pawhin infiamna hi kan hrisel nan a hlu em em a, zuk leh hmuam leh nun dan kawng tha lote kalsana infiamna lama phak ang tawka kal hi a tangkai em em a ni. Tunlaiah kan ramah ruihhlo a hluar hle mai a, heng lakah hian thalaite inveng fimkhur ila, chhungkua, khawtlang leh ram nuam tak i siam ang u tiin a sawm a ni.

Khawbel Volleyball Court hi  MLA fund Rs. 801,000 hmang a buatsaih niin a bak sum mamawh belh Rs. 123,000 hi khawtlang mipuiten an thawhkhawm a ni.