1670/2022-2023
Aizawl 22nd August 2022: Vawiin khan Deputy Speaker Er. Lalrinawma chuan NeVA Training for members of Mizoram Legislative Assembly chu Banquet Hall, Assembly Annexe-ah a hawng.

Deputy Speaker Er. Lalrinawma chuan Mizoram Legislative Assembly chuan rahbi thar kai chho-in, National e-Vidhan Application(NeVA) hi India ram state/UT zawng zawngten an hman tura ruahman a ni a ti a. Tunah hian state pali ah hman tan tawh a ni a, north-east ah chuan Nagaland ah hman tan tawh niin, Mizoramin kan han hmang ve thei tur hi a lawmawm hle a, thawktute inpekna leh thawhrimnaah an fak awm hle a ni, a ti a. A project hi CSS funding a ni a, state share hi 10% niin, DPR te theh luh a nih hnuah Mizoram tana sanction amount chu Rs 8,70,84,750/- a ni a ti a. Tunah hian First installment UC theh luh tawh a ni a, second installment beisei mek a ni a ti bawk. Vawiin a NeVa hi MLA zawng zawngin tangkai leh hlawk taka an hman theihnan duhsakna hlanin NeVA Training hi a hawng nghal a ni.

Training hawnna ah hian MLA thahnem tak kalin, Training hi ni 5 awh tur a ni. NeVA hi digital legislature leh paperless legislature tura hmalakna a ni a. NeVA website hi National Informatics Centre(NIC) design leh siam a ni a, Ministry of Parliamentary Affairs, Government of India enkawlna hnuaia awm a ni. NeVA thupui chu 'One Nation One Application' a ni a, India rama legislature te platform khata pawh khawm a tum a ni a. NeVA hi Cloud-based a ni a, Mobile-friendly tura buatsaih a ni bawk.

NeVA hmang hian information hrang hrang — Notices, Bulletins, Rules of Procedure, List of Business, Starred/Unstarred Questions with answers, Bills, Paper laid, Committee report leh a dang dangte a tih theihin a hmuh theih dawn a. Assembly Question te leh a dangte pawh NeVA hmang hian a theh luh theih dawn a ni.

Member-tin dawhkanah Touchscreen vuah vek a ni ang a. House chhungah paper sem awm tawh loin member ten an duh ang an hmet chhuak tawh mai dawn a ni. Member-te House chhunga thusawi rei zawng te pawh a lo in record vek dawn a.

Member-te dawhkan tina touchscreen dah a nih bakah hian mi mal taka hman tangkai tur ipad member tinte hnenah pek vek a ni a. He ipad hmang hian member-te constituency a an awm lai emaw khawi atang pawhin Assembly/Session business tluang taka an lo kalpui a an lo hriat ve theih beisei a ni.