Pu John Rotluangliana, Deputy Speaker, Mamit bialtu MLA ni bawk chuan ni li chhung thangin a bial chhung khaw hrang hrang Rawpuichhip, Dampui, Mamit, Nalzawl, Bawngva, Phaizau, North Sabual, Vawngawnzo, Damdiai leh Suarhliap te tlawhin khawtinah hian khawtlangin an lo dawngsawng tha hle a ni.

Deputy Speaker chuan khawtinah amah lo hmuaktute hmaah thu sawiin an lo dawnsawn danah lawmthu a hrilh a. Sawrkarin mipuiten ei leh bara kan lo hnianghnar zawk theih nan theihtawp a chhuah a, chuvangin ei leh barah harsatna kan tawk lo a ni a ti. Bialtu MLA chuan miretheite khaichhuahna tura sawrkarin NLUP a kalpui mekah hian a hlawhtlinna chu a dawntu mipuite-ah a innghat a ni tiin, hetiang ang scheme mirethei leh harsa zawk te tapchhak zawl thleng phak hi a awm lo a ni a ti a. NLUP dawngtu turte thlan danah Party induhsakna awm anga sawi hi a dik lova, a dawng awma ngaihte thlan an nih thu leh chutiang anga thlan an nih zel tur thu MLA chuan a sawi a, kum 2013 hmain NLUP hi mipuite hnenah pek kim vek tur a nih thu a tarlang bawk a ni.

Road Tax lak dan chungchang sawiin hmun danga an tih anga Road Tax hi lak a nih thu leh hei hi Road Tax tha zawka pek a nih theih nana buatsaih a nih thu a tarlang bawk a ni.

Bialtu MLA Pu John Rotluangliana, Deputy Speaker chuan a khaw tlawhte hnenah hian khawtlang mamawh thawhna atana MLA Fund atangin pawisa engemawzat a hlan bawk a ni.

Bialtu MLA hian naktuk  hian Dapchhuah leh lawngin Dilzawl khuate a tlawh leh ang.

Bialtu MLA hi Pu R.L.Rintluanga, Private Secretary bakah Mamit atangin Heads of Offices thahnem tak leh Party hruaituten an tawiawm a ni.