India ram pum huapa neih mek Socio-Economic & Caste Census 2011 atana inbuatsaihna kal chho mekah 24 - 25 November, hian Charge Officer leh Master Trainers te puala State Level Training chu vawiin khan khar a ni. He ni hnih chhung awh training hi Rural Development Departmnt Directorate Conference Hall-ah neih a ni a. A nikhatna, nimin a neih hi Master Trainers te puala neih a ni a. He training hi Pu Vanlalmawia, Joint Director, UD &PA in kaihruaiin Pu K. Riachho, IAS, Secretary, RD chu khuallian niin he training hawnna a nei. Pu K. Riachho hian Master Trainers te fuihin Census hi India rama nih a nih vawikhatna niin data dik tak kan neih hi kan ram tana developmental planning atan a pawimawh a ni tih a tarlang a. Taima taka training a, tha taka an hnathawk turin a fuih a ni.

Training ni hnihna hi Pi Ramdinliani, Joint Director, RD in a kaihruai a, Pu Vanlalmawia, Joint Director, UD & PA in inlawmna thu a sawi a, Pu V. Lalremthanga, Additional Secretary, GAD & RD, Stat SECC Nodal Officer ni bawk chu khuallian niin training hawnna hun a hmang. Khuallian chuan thu sawiin Charge Officr chu Census hnathawktu ber an nih avangin taima taka an tih turte hlen theuh turin a sawm a. Ram chhunga planning kalpuina atana Department hrang hrang tana data dik leh rintlak a pawimawhziate tarlangin h SECC hmang hian Department te pawhin data dik leh rintlak leh hman tawm theih kan nei thei dawn a ni tih a tarlang bawk. Ni hnih training ah hian Rural leh Urban lama National Trainers te leh Census Operations atanga National Trainers ten training an pe a ni.

SECC 2011 hi India ram 12th Five Year Plan inbuatsaihna atana Central sorkar ruahmanna a neih a ni. India ram pumah kalpui niin June - Deceber, 2011 chhunga neih tura ruahman a ni. Mizoram bikah chuan October thla atanga neih tan tura ruahman a ni a. General Administration Department chu Nodal Department niin Urban Areas atan UD & PA Department chu mawhphurtu a ni a, Rural areas atan RD Department chu mawhphurtu a ni. Census hi Computer (Tablet PC) hmanga neih tur a ni a, hemi atana mawhphurtu tur ruat chu Electronics Corporation of India Ltd. (ECIL) a ni. October thla a tan tura ruahman chu Tablet PC a lo thlen lawk theih loh avang leh ECIL lam an inpeih loh vangin November thla a tan tur a tih a ni leh a, chu pawh chu sawn leh niin January 15, 2011 atanga neih a, March 2012 a zawh tura ruahman a ni leh a ni.