Mizoram Legislative Assembly Deputy Speaker Pu R.Lalrinawma chuan vawiin khan AMC Building, Thuampui a Oasis Hall ah Sentea Memorial School Graduation Day a hmanpui.

Sentea Memorial School, Zemabawk-in HSLC Exam an hmachhawn vawikhatnaa za a za an pass mai bakah result tha tak nei engemawzat an awm thei chu a lawmpui takzet thu sawiin Pu R.Lalrinawma chuan bialtu a nihna angin chhuanawm a tih thu a sawi a. Zirlai pass thar te chu an bul tanna kawtchhuah an thleng tih hriaa mi thenkhat lehkha thiam thei tak tak, an nih tur ni pha lo tam tak ang te ni lova hmasawn zel tur leh dinhmun sang tak, ram leh khawtlang tangkaipui tham dinhmunah in hlangkai turin a fuih a. Mizoramah chauh hna thawh tur zawng lova ram danga hna sang tak thawk thei tura inpuahchah tur leh hlawhtling tura paltlang ngai apiang chhel taka paltlang zel turin Deputy Speaker chuan kalkhawmte a chah a ni.

Sentea Memorial School ah hian zirlai 20 awmin an vaiin an pass vek a, Distinction ah pakhat inhlangkaiin, First Division-ah 4 an pass a ni. Deputy Speaker Pu R.Lalrinawma hian an school hman turin Volleyball Net, Football leh Volleyball a pe a ni.