Vantlang inkhawm hma ah Dy.Speaker chuan an bial ah MLA candidate 11 awmah a vannei bera a tang leh  Pathian  hnena  MLA nitura an tawngtai na chhana a awm avanga Pathian hnenah a lawmthu a sawia, Deputy Speaker a awm tura a tawngtai ngai loh thu leh he dinhmuna alo awm ta mai chu Pathian in a bawksik a nih thu te, mi thenkhatin Minister niturin beisei pui thin mahse, Dy.Speaker nih hi za ah zapakhat a alawm thu a sawi, a sawizel na ah bialtu MLA chuan Congress MLA chauh ni lova, Mamit bialtu MLA ania, inthlan laia amah vote lotu, party dang amite pawh a lak ah  in  thlahrung  lo  tur  leh thawhho pui ah a sawma, tun ah chuan Pathian in Pu Lal Thanhawla hmangin zalenna dar a vua a, mi zawng zawng hi inthlan result puan atanga an zalen leh an thlamuang ta tlat mai hi lawmawm a tih thu a sawi a.

Pu John Rotluangliana, Dy.Speaker chuan tunah sorkar thar mahse sorkar pawisa kum ala thar ve loh avang erawh chuan hna thawh phut phut a har rih thu a sawi a, khawtlangin an mamawh an thlente ngun takin a ngaih thlaksak a, sorkar kumthar ah a theih ang angte sutkianpui a tum thu alo hrilh a. V/C inthlan lo awm tur ah pawh mipui te chu inthlanna felfai tak a awm theih nana hma la turin a sawm a, sorkar hnathawk te mahni nihna theuh rinawm leh diktaka thawk turin a fuih a ni.