Vawiin khan Ferrando School, Zemabawk in an school atanga High School Leaving Certificate (HSLC) Exam a hlawhtlinna chang te puala lawmna hun a buatsaih chu Deputy Speaker, Pu R. Lalrinawma bialtu MLA nibawk in a hmanpui.

Pu R. Lalrinawma chuan zirlai hlawhtlinna changte chu a lawmpui thu leh a bial chhunga school tha result tha tak nei thei a awm chu lawmawm a tih thu a sawi a. Result tha tak nei thei tura zirlaite, zirtirtu leh nu leh pate thawhrimna leh thawhhona chu fakawm a ti a. Deputy Speaker chuan HSLC pass tharte chu tuna an hlawhtlinna chan hi a bultanna chauh a nih thu leh mi puitling ram leh khawtlang tana chhawrtlak ni tura hmasawn zel turin a fuih a. Zirlaite chu an zirlai ngai pawimawh hmasa ber tura chahin zirlai nih chhung chuan khawtlang leh kohhranah te inhman dan chintawk thiam a tha, a ti a. Tunlai technology heng; mobile, internet leh computer te chu thilsual tih na atan a hmanglovin hmasawnna leh zirlai puitu atana hmang zawk thin turin Pu R. Lalrinawma chuan a chah bawk a ni.

Ferrando School hi 2003 a din niin zirlai 500 an nei meka. HSLC vawi 3 lo exam ve tawhin zirlai an la pass kim ziah a, HSLC result chhuak ta ah khan zirlai 15 exam in an vaiin hlawhtlinna an chang a ni.