Food, Civil Supplies & Consumer Affairs (FCS&CA) chuan Buhfai chungchangah hetiang hian thuchhuah a siam :

Buhfai (Normal Quota) hi tun dinhmunah Mizoram sawrkarin Food Corporation of India (FCI) atangin a lei a, hei hi Central Sawrkarin India ram State hrang hranga allocation a pek, Mizoram Sawrkar pawhin a hmuh ve anga lei thin a ni. A bak zawng hi MIZOFED Ltd. atanga lei thin a ni. Food Corporation of India hnen atanga lei leh Local Purchase (MIZOFED Ltd.) atanga lei hi Supply Godown-ah a theih ang anga dawn (received) hma a check thin a ni. Amaherawhchu loading leh unloading hunchhung a rei thin avangte, a vaia (100%) buhfai hi check dawn chuan hun leh tha a heh avang leh a hun taka mipuiin quota an hmuh hman dawn loh avangin random a check thin a ni. Buhfai thalo pawh hmuhchhuah thin niin bag engemaw zat chu hnawl (reject) a ni. MIZOFED Ltd. hian Department-a an pek dawnin check thin a ni a, tun dinhmunah hian Truck Trip 10 (sawm) vel lai chu hnawl tawh a ni.

Hetianga check a ni chung pawh hian buhfai tha lo dawn palh theih a ni a, Food Corporation of India (FCI) atang ngei a lei te pawh duhthusam lo a awm ve zauh thin a ni.  Hemi chungchangah hian buhfai tha lo Retailer ten an lo la palh a nih chuan engtik lai pawhin FCS&CA Department chuan thleng a phal a, Retailer thenkhatte pawhin thleng chang an nei a ni.

FCS&CA Department-in buhfai a lei hian Food Corporation of India (FCI) a ni emaw Open Market/Local Purchase a ni emaw buhfai bag ah hian a hum leh sehrep te hi a tel palh chang a awm thin a, pumpelh tak tak theih a ni lo.

Mizoram Sawrkar-in Central Sawrkar/FCI atanga Economic Cost lei lova Open Market/Local Purchase atanga buhfai a lei hian hetiang hi thla tina pawisa a hum (Saving) zat a ni. 

(a) Buhfai manah                                                                      -       Rs. 5,34,96,100.00 per month

(thla tin 70000.00qtl. a leiin)                                                    (Ecu. Cost @ Rs. 3264.23 per qtl. -

                                                                                    Local Purchase @ Rs. 2500.00 per qtl.                                                                                                   =  Rs. 764.23per qtl. x 70000.00 qtl.) 

(b)         Buhfai phurh man ah                                                              -       Rs. 28,00,000.00 per month
(Tanhril - Zuangtui Route                                                                         (70000 x 40)

@Rs. 40.00 per qtl.)

A vaia thla khata FCS&CA-in pawisa a hum zat chu Rs. 5,62,96,100.00 a ni.