Mizorama IWMP Project kalpui hmasak berte zinga tel, kum 2009-10 atanga kalpui tan Champhai-I IWMP Project kumin April thla a tawp chu nimin Ningani khan Project enkawltu, Soil & Water Conservation Department, Khawzawl chuan he Project in a tuam khaw 4 - Kawlkulh, Dulte, Chhawrtui leh Puilo khuaa Watershed Society te hnenah Project hlanna a nei.

Project inhlanna Programme hi Champhai District Soil Officer Pu Lalrinzama'n a kaihruai a. Khuallian Champhai DRDA Project Director Pu C.C. Lalchhuangkima chuan Champhai-I IWMP Project hnuaia hmalakna leh hnathawhte chu hlawhtling a tih thu sawiin, amaherawhchu he Project hlawhtlinna hi Sawrkarin a enkawlpui tawh loh hnuah a tawp zui mai ang tih erawh hlauhawm a tih thu a sawi a ni. IWMP Project te hi kum 5 chhung kalpui tur a nih thu a tarlang a, hemi hun chhunga hna thawh zawh hman a nih loh chuan kum 2 dang pawhsei theih niin, Tunah hian kum 7 chhung kalpui anih hnuah Sawrkar chuan mahni a inenkawl thei tawh turah ngaiin Project chu Society hnenah a hlan tawh dawn thu a sawi a ni. IWMP Project kengkawh zuitu tur Watershed Society te chu Sawrkarin bul a tansakna hi tha taka chhunzawm zel a, hmun hrang hrang atanga zirchianna nei a, tlawh zui tlak a kalpui chhunzawm tum turin a chah a, tha taka hma an lak chhunzawm zel chuan harsatna leh mamawh an neihah te pawh Sawrkar atanga puih dan kawng a awm zel theih a rin thu sawiin, anni lam pawhin a theih angin puih an inhuam reng tih a sawi bawk a ni. Pu C.C. Lalchhuangkima chuan Champhai-I IWMP hnuaia hmalakna leh hlawhtlinna an neihte tarlanna lehkhabu buatsaih chu a tlangzarh nghal a ni.

Champhai-I IWMP Project hi kum 2009 -10 atanga kalpui tan niin Project kalpui chhung hian cheng nuai 663.15 hmuh a ni a, hemi hun chhunga IWMP Project hnuaia hmalakna hrang hrang atanga kumin February thla thlenga Users ten sum an thawh chhuah zat chu cheng nuai 305.09 niin kum 5 lo awm leh tur chhungin Project kalpuina atana sum senral zat hi an hmuh hman beisei a ni tih Project Implementing Agency (PIA) Soil District Officer Pu Lalrinzama chuan a sawi a ni. He Project hnuaia Users 675 zinga 284 te chuan IWMP hnuaia eizawnna ngelnghet zawk an neih avangin thingtlang loneih (Shifting Cultivation) an bansan a, Project in a huam zau zawng hi ram Hectare 4421 a ni a, Project hnuaiah hian Self Help Group 20 din a ni. 

IWMP dinhmun tlangpui :

PIA                        - District Officer, Soil & Water Conservation                                                      Department

INCEPTION                    - 2009 - 10

Project Area        - 4421 Ha

Project Cost        - 663.15 lakhs

Fund received      - 663.15 lakhs 

Villages covered

1. Dulte                631 Ha                 220 Families

2. Kawlkulh         1413 Ha               208 Families

3. Chhawrtui       1757 Ha               172 Families

4. Puilo                 620 Ha                 75 Families

Total No. of users        - 675 Ha

Total Cost of success/harvest in rupees:

3,05,09,000.00

Total No. of abandoned shifting cultivation w.e.f 2010 to Feb 2017 - 284