2988/2024-2025

Dated Kolasib, 14 November, 2024: Vawiin khan Krishi Vigyan Kendra (KVK), Kolasib District chuan KVK kum 50 tlin lawmna Golden Jubilee kal zel ah Alu chi tha (variety 7) loneitute hnenah sem chhuahna hun an hmang a, Pu Lalfamkima, Deputy Speaker, Mizoram Legislative Assembly in he hun hi a hmanpui a ni.

Khuallian Pu Lalfamkima chuan loneitute chu sorkar hmalakna leh Policy duan Hand Holding Policy-te hrilhfiahin mipuiten thlawp tlat turin a ngen a, a hlawhtlinna pawh an kuta awm anih thu a hrilh. Kolasib District chu buh leh bal thar kawngah theihna nei tha em em a nih laia huan enkawltu hnamdangten a hlawkna an tel tam zawk chu veiawm a tih thu sawiin thahnem ngai taka loneitute tan hlawk zawk a an hnathawhte hmang tangkai thei tura ngaihtuahna sen a pawimawhzia a sawi. Sorkar puihna leh a van tla nghah ringawt chuan hmasawnna a awm theihloh thu sawiin tan la zual sauh turin kalkhawmte a fuih bawk.

He hun hi Dr Michelle C. Lalawmkimi, Senior Scientist & Head, KVK Kolasib in a kaihruai a. Alu ching turte hnenah KVK a mi thiam bikten hriattur pawimawh an hrilh nghal bawk. Kolasib District hmun hrang hrang atangin loneitu sawmbikte he program ah hian an lo tel a ni.

Vawiin a sem chhuah tak Alu chi tha chi hi Central Potato Research Institute, Upper Shillong, Meghalaya atanga lak a ni. Hemi rual hian natna laka enkawlna tur damdawi sem chhuah nghal a ni a. Heng damdawi sem chhuah te hi National Research Center For Integrated Pest Management (NCIPM), New Delhi te rawn tum a ni.