656/2025-2026

Dated Kolasib the 16th May 2025: Vawiin khan Mizoram Youth Commission, May - August, Session hawnna hun chu Govt Kolasib College ah neih niin, Kolasib Bialtu MLA, Mizoram Legislative Assembly Deputy Speaker Pu Lalfamkima chuan khuallian niin session thar hawnna hun hi a hmanpui.

He MYC Coaching Session hawnna inkhawm hi Co Ordinator Pu Lalnunhlua'n a kaihruaia a, khuallian Pu Lalfamkima chuan thusawiin sawrkar hna nghet lak kawnga sorkar kalphung tarlangin sawrkar thar ah chuan advertisement tel lovin hna nghet chi reng reng lak a ni ngai tawh lo a ni a ti a. Hna tha hmu tur chuan thiamna a pawimawh ber a ni, a ti.

Deputy Speaker chuan tunlai chhanah rualelna a nasat tawh avangin thalai te chu awm mai mai tur an nih loh thu leh hna zawng mek an nih chuan tihtak zet leh taima taka hmalam pana mahni intuaihriama, mahni inrintawkna leh thiamna tak tak kan neih a ngai takzet tawh a ni a ti a, zirlai te chu an tum ram thleng turin MYC Coaching Session hi hman tangkai turin a fuih nghal bawk a ni.

Tun Session ah hian zirlai mi 14 an awm mek a, heng zirlai te atang hian Bialtu MLA Aseembly Deputy Speaker Pu Lalfamkima chuan MYC Coaching Centre a kal duh admission a harsatna nei mi 5 tan admission a tumsak bawk a ni.

He hunah hian Govt Kolasib College Principal Laltanpuia Rengsi leh Faculty member te an tel bawk a ni.